鬼出去！福進來！日本傳統撒豆驅鬼活動「節分之日」

每年2月3日係日本傳統活動「節分之日」，日本人會大聲叫喊「鬼出去！福進來！」，同時大撒炒過嘅豆，目的係將身邊嘅「鬼」趕走。不過「鬼出去」所指嘅到底係邊隻鬼？點解要撒豆呢？就等我哋嚟試下解開呢個節日嘅神祕一面啦！

所謂嘅「鬼」即係？

雖然有各種說法，有人話鬼係屬於神嘅一種，亦有話係屬於妖怪嘅一種，更有人話係人類嘅靈魂亦或係亡靈，喺日本人當中都無一個確定嘅講法。不過，至少可以認為鬼嘅個性係惡靈嘅一種。

其後上述說法傳開，因此就有人認為節分日嘅鬼，涵蓋咗所有唔好嘅事情，例如係疾病、受傷、意外等。

自古以來，日本就一直相當重視有「五穀」之稱嘅米、麥、小米、稗、大豆農作物。到咗收割時期嘅秋天，甚至一定會舉行祈禱「五穀豐收」嘅儀式。因此，日本人可能認為大豆有前述嘅神秘力量、覺得可以驅鬼，所以「用大豆驅鬼」就係咁嚟嘅。

另外，仲有一種講法係，「豆」嘅日文發音接近惡魔嘅發音，因此就用大豆驅鬼。

順帶一提，到咗節分之日，日本人亦會喺門口玄關位或者係屋企擺沙甸魚頭，或者係帶刺嘅柊樹葉，原因係據聞鬼好憎呢種臭味！當地人諗盡各種辦法，就係為咗保護自己唔受到傷害。

節分意指季節交替時刻，聽聞係「唔好嘅嘢」最容易入侵嘅一日。如果唔先將每個季節一啲一啲累積落嚟「唔好嘅嘢」驅除，進入新季節，就會發生唔好嘅事。因此，就將撒豆日制定喺身體最容易出問題嘅冬天，亦即係農曆季節節氣嘅2月3號。

然而，2021年嘅節分之日卻係2月2日，上一次節分之日出現喺2月2日已經係124年前嘅事！

仲有呀，為咗嚟緊一年都唔會有任何唔好嘅事發生，民眾會喺撒豆之後，食比自己歲數多1歲嘅數量嘅豆落肚，而家依然仲有好多日本人維持咁樣嘅風俗習慣㗎～