鹿兒島美食點止得好味到令人感動食蕃薯大嘅「鹿兒島黑豬」!
仲有鮮味十足、入口識溶嘅「黑吞拿魚」
日本和牛會嘅冠軍「鹿兒島黑牛」
售出超過3億5千萬個有「永遠的戀人」稱號嘅紅薯鮮蛋糕
鹿兒島必食美食!必買手信7選!
「鹿兒島黑豬」!黑豚野菜蒸・黑豚しゃぶしゃぶ涮涮鍋!
常言道、 去鹿兒島唔食黑豬點得吖?!
為何鹿兒島黑豬特別誘人想咬一口?
鹿兒島黑豬飼料係蕃薯、可以提高脂肪溶解溫度、令黑豬嘅美味發揮得天淋漓盡致、食蕃薯大嘅黑豬肉質食落爽口唔油膩、令你1片又1片…
「いちにぃさん 鹿兒島黑豚しゃぶしゃぶ」、清甜嘅湯底、黑豚肉嘅鮮味更原汁原味地呈現、「黑豚野菜蒸」就咁蒸、薄切嘅黑豚嫩滑爽口唔油膩、感覺清新。可以點返個「涮涮鍋蒸套餐」試下有幾滋味。
- いちにぃさん 天文館店
- 鹿児島市東千石町11-6 そばビル2・3F
感受九州街頭美食文化-「鹿兒島屋台村」
由鹿兒島中央站徒步5分鐘就到! 「鹿兒島屋台村」!
有成25間店鋪、 唔止黒豚・黒牛、仲有得食黒鶏吖！
想食豬食雞鄉土料理定拉麵剌身都有難唔到「屋台村」、
唔洗急著決定、可以行個圈再揀間啱心水GOGOGO吧！
屋台村店鋪全部都有頂棚、咁啱遇著「天氣不似預期」、「食好東西先嚟落雨」?
去「屋台村」、落雨又洗嘜驚吖～
「鹿兒島屋台村」唔會一直存在、只去到2020年、去感受一下探訪地道嘅風味吧。
- 鹿兒島屋台村
- 黒鶏店「じどりーの」
- 鹿児島県鹿児島市中央町６−４
入口識溶嘅「黑吞拿魚」!黑吞拿魚專門店―「黑・紋」入口識溶嘅「黑吞拿魚」!黑吞拿魚專門店―「黑・紋」
鹿兒島黑豬好味到令人感動、而入口識溶嘅「鹿兒島黑吞拿魚」或許變成你非食不可嘅必食名單、鐘意刺身嘅你唔好錯過。
唔止「鹿兒島黑吞拿魚」溶化嘅美味度令人驚喜、 同場「海膽」鮮甜無鯹味、 令人食完「忘了忘不了」!
選項：海膽、黑吞拿魚(大拖羅・中拖羅)、帝王蟹、三文魚子
CP值極高、午市套餐只係「2 選 1600円・3 選 2200円」筆者大推喔!
「黑紋」黑吞拿魚解體SHOW亦會不定期舉辦、即切即開即食、唔止味覺、連視覺感官都可以一次過滿足!去吃「黑吞拿魚」順便碰碰運氣話唔定會遇上解體SHOW喔!
- 黒まぐろ専門店 黒･紋
- 鹿児島県鹿児島市上之園町14-28
炭火 神吉・雞刺身
吓? 雞肉都生食得?!
鹿兒島獨有嘅刺身──雞肉刺身！
雞肉刺身都係鹿兒島嘅鄉土料理之一。
話就話係刺身、但係一般都係會輕輕烤一下雞皮、用大蒜・生薑・醬油等調味料一齊享用。
屬於只有鹿兒島先品嚐到嘅美味、去鹿兒島來一客吧!
新鮮出爐日本和牛會嘅冠軍「鹿兒島黑牛」
鹿兒島縣產黑毛和牛係2017年於宮城縣舉辦嘅第11次日本全國和牛能力共進會(每5年舉辦一次)裡日本第一！
可以話係來自日本全國嘅和牛齊聚一堂！
仲唔趁機嚟會一會呢個新鮮出爐嘅冠軍「鹿兒島黑牛」?!
- 炭火神吉
- 鹿児島県鹿児島市西田1-4-26
售出超過3億5千萬個、有「永遠的戀人」稱號嘅LOVELY紅薯鮮蛋糕・唐芋菓子FESTIVALO
蛋糕所使用嘅紅薯全由專屬農場栽培、且紅薯種類多達150種、為美味去到極緻.
蛋糕採用新鮮烤製・瞬間冷凍技術冷凍而成。
LOVELY唔止睇落精緻、食落內餡有點暖又有點甜、難怪會被稱為「永遠的戀人」、係你另一個胃嘅好伴侶。
係天文館呢間FESTIVALO、二樓係咖啡廳可以小休一下邊食邊嘆茶、食完落到一樓順便試食多幾款再揀返款做手信啦!
- 唐芋菓子FESTIVALO
- 地址：鹿児島県鹿児島市呉服町1-1 唐芋ワールド
隱藏中的一角・鹿兒島家的味道-「海豚GUEST HOUSE居酒屋」🐬
一踏入「海豚GUEST HOUSE居酒屋」、眼球就離不開這張長形嘅掛畫。(黑豬食白熊冰・櫻島等鹿兒島象徵)
鹿兒島「黑・黑・黑」料理故然吸引、而令人更加分嘅係鹿兒島式暖暖嘅人情味。
價錢勁親民「海豚GUEST HOUSE居酒屋」屬家庭式經營。媽媽熱情可愛(一直呼喚筆者傳授日式玉子燒教學)女兒親切零距離。
- kagoshima ILCA guest house
- 鹿児島市易居町3-24
店家於FB宣告先暫停營業、再開時於FB再作告知
詳情請睇--＞FB
KUROZU黑醋繼承江戶時代嘅品質＋傳統釀造
黑醋有多種口味-蘋果．提子．蜜糖．柚子檸檬．蔓越莓…
買醋仲可以問店員拎食譜＋飲用小貼士
買番支返去做手信啦~
- Kurozu Farm
- 鹿児島市上之園町21-15
菓子屋橫丁超人氣！冬甩焼
鹿兒島天文館必食！香氣飄到店內外！
冬甩燒外表平平價錢都係平平(70円咋！)、咬落古早味嘅牛油雞蛋香令人食完都想買返去開心SHARE！
記得去試埋擁有300年以上歷史,薩摩代表嘅郷土銘菓-「かるかん軽羹」吖!
即場食完唔夠喉?買返幾粒返去手信啦!
- 菓々子横丁(蒸氣屋)
- 鹿児島市東千石町13-14
- 菓々子横丁(蒸氣屋)
- 鹿児島市東千石町13-14
創業安政元年(1854)老舗和菓子店。
- 軽羹かるかん元祖明石屋
- 鹿児島市中央町2-2（鹿児島中央郵便局前）
去鹿兒島搵「黒・黒・黒」
會一會新鮮出爐日本和牛會嘅冠軍「鹿兒島黑牛」
「黑吞拿魚」・「永遠的戀人」啦!
============
同一時間可以看看友好媒體的鹿兒島文章，玩盡鹿兒島！↓
LIKEJAPAN👉鹿兒島市+櫻島兩日遊行程推介
MEETHK👉［附一日乘車券介紹］鹿兒島市市內交通一覽
Comments