![明治大学で勉強しているマレーシア人留学生をインタビューしてみた。](https://content.fun-japan.jp/renewal-prod/cms/articles/content/905a27360c30d7dc6e4e825bd7c891eed0d7113a.jpg)
明治大學係一間點嘅大學?
明治大學呢間私立大學,歷史悠久,創校於1881年。最初係專研法律嘅學校,演變至今,學校所開設嘅學科有理工、經濟學等,研究領域廣泛,係一間位於東京都市中心嘅綜合大學。一共有四個校園,其中「駿河台校園」由東京車站搭電車只需5分鐘左右車程。
明治大學喺日本大學中,喺「致力幫助學生就業」方面連續8年被評為第一名。日本就業搵工規矩多不勝數,對於外國人嚟講,學校提供咗就業諮詢等各方面嘅支援,真係非常貼心。而且喺這間學校就讀嘅留學生,只要成績名列前10%嘅人可享學費減半等各種雄厚嘅經濟支援㗎!
明治大學嘅學生唔單止成績優秀,都有唔少學生都係運動好手,喺柔道、足球等運動項目嘅全國大賽都曾經獲得卓越亮眼嘅成績表現。
就等FUN! JAPAN團隊員工去明治大學專訪一下明治大學嘅留學生先。
專訪就讀明治大學嘅馬來西亞留學生
FJ:可以請你自我介紹一下嗎?
![Sitiです。マレーシアから来ました。](https://content.fun-japan.jp/renewal-prod/cms/articles/content/30953ee686edb18336f4e46382f3f9037e33770d.png)
Siti:大家好,我係嚟自馬來西亞嘅Siti。嚟日本已經1年8個月喇,而家喺明治大學生田校園讀緊理工科。今年year 4,2019年3月畢業,預計會喺日本公司工作。
FJ:請問你點解會揀明治大學嘅?
Siti:因為明治大學有我想讀嘅學科。
我係拎獎學金嚟讀書嘅,嚟日本之前曾經就讀馬來西亞MARA Japan Industrial Institute (MJII)。喺揀日本留學學校時,清單上嘅大學有約20間左右。但係我想讀「工學」同「生物」綜合嘅「電氣墊子生命學科(Electronics and Bioinformatics)」先至揀咗明治大學。
FJ:對你嚟講,你覺得嚟咗日本,或者去咗明治大學讀書呢個決定做得好嗎?
Siti:是呀。我覺得係唔錯呀。實際上我都揀咗自己想研究嘅範疇,上堂內容都好有趣!而且教授都好親切咁指導我哋,真係好多謝教授。同埋實驗研究用而規劃設置嘅設施都好完善。
FJ:今後你都想繼續喺日本學習研究。咁關於日文學習方面,你覺得邊一部分特別困難?
Siti:日本人說話太鍾意簡略喇。我成日都唔太明佢哋省略咗嘅部份。「Smaho(smart phone日式英語簡稱)」、「Starba(Starbucks日式英語簡稱)」呢啲平常就會用嘅都無乜問題,但好似「Naruhaya(Harubeku hayaku 簡略版,即盡量快一點變成盡快)」、「Akeome(Akemashite Omedetougozaimasu的簡略版,即新年快樂變成新年樂)」諸如此類,比較少用到嘅用語,一開始聽到時簡直係一頭霧水。
FJ:除咗讀書,你每天嘅生活會做啲乜?
Siti:你有無聽過Netball籃網球呀?簡單嚟講就係較偏女生玩嘅籃球運動。我平時每個月去打Netball籃網球3次。運動之後能夠紓壓放鬆。
最近準備3月搬屋,為咗搬屋需要嘅洗費,都去多咗打工。
FJ:喺日本你通常都去邊度買清真認證食品呢?
Siti:食材幾乎都喺「BATICROM」嘅網站上購買。最近會喺Instagram上買清真認證嘅蛋糕同便當。期待每週推出嘅新菜色。而生田校園嘅食堂每個星期二、禮拜三會有清真認證嘅中東串燒,每逢星期二、三都會去買嚟食。食到串燒就覺得好幸福!
非常感謝Siti接受FUN! JAPAN嘅採訪!
下一篇文章將會採訪從香港同台灣嚟嘅留學生呀。
Comments