話說FUN!JAPAN團體嘅CHEAK小編去咗日本台場車展活動 「Street VWs Jamboree」
今次就要分享一吓要點分辨VW類型嘅年代！
喺1938年-2003年製作而成嘅「福斯汽車・類型1」係世界上產量最多嘅汽車。別稱「Beetle」。福斯汽車累積生產台數高達2153萬台，而透過生產時期可以簡單分辨出各車車種。而今次參展咗福斯汽車車展嘅車主就好熱心咁同我哋分別講解。
1938～1953係將窗一分為二嘅”Split Window（分割式車窗）”
一開始，為咗提升汽車堅靱度，將後方嘅窗一分為二。喺呢次車展中，呢款古董車款算係比較珍貴。
1953~1958將視野擴展33%，橢圓形車窗為特徵
製作汽車嘅材料堅韌度有所增強，而車窗為二合一。「Oval Window (橢圓形窗口)」泛指呢個時期嘅車種。透過設計上嘅變更，視野擴展33%，俾司機都可以揸車揸得輕鬆啲。
喺1958年開始，車窗來越大
呢段時間嘅設計方面上，車窗越來越大。可以話同而家普通車輛嘅車窗差唔多大細。
呢個就係VW方向燈？
呢個零件喺英文叫「semaphore」，即係方向指示器。而家嚟講，汽車嘅方向燈職責重大，喺比較古老嘅型號可以發現到佢嘅存在。望住呢個零件想象當時情景，「呢部車到底載過邊個呢？」，「到底行駛過邊啲崎嶇險路呢？」諗吓諗吓自然就湧起對汽車歷史嘅興趣。
就係咁，即使係對車嘅歷史同零件都唔係好清楚嘅小編，現場都可以真切感受到VW嘅魅力。今次相遇嘅車主都好親切地為我哋介紹愛車。最勁嘅係連三代堂堂使用Beetle嘅車主都喺度。第時小編都想成為一個坐得起，配得起坐喺Beetle嘅成功人士！
Comments