愛知縣犬山城

愛知縣犬山城距離名古屋唔到25公里，充滿江戶時代嘅傳統風格。犬山城有狹窄但具有文化氣息嘅昭和時代小巷，可追溯到1440年，為日本最古老城堡。而附近重建歷史村莊明治村亦完善咗犬山嘅特色。呢個城市嘅人口估計只有74,200人，令佢成為一個寧靜且讓人放鬆嘅城市。

犬山城

犬山城建於1537年，係日本自1867年封建時代結束以嚟，經歷自然災害與戰爭之後，僅存嘅12座原始城堡之一。主要結構由古代木頭及岩石構成，內部保存完好，保有完整嘅原始感，而唔需要好似其他城堡一樣做任何現代化整修。犬山城標誌性特色係陡峭嘅樓梯，你可以去四樓，欣賞城堡以及木曾川嘅壯麗全景。

參觀者可以睇到保存落嚟嘅各個房間，及一個監視室，用於視察是否有接近城堡嘅敵人，另外又有一個有洞房間，以便於入侵者進入時向對方投擲石頭。

景點資訊

• 名稱: 犬山城
  
• 地址: 愛知縣犬山市犬山北古券65-2
  
• 交通: 於名鐵犬山站落車，步行約15-20分鐘
  

犬山祭

想要觀看上面有江戶時代嘅機關人偶（Karakuri），有幾層樓高嘅山車遊行嗎？犬山祭就係咁樣，於1635年首次舉辦，包括13個3層樓高嘅傳統山車及一個機關人偶，佢會喺山車頂部做簡短表演。隨住夜幕降臨，山車好快就裝上咗365個日本燈籠，照亮整台車，令觀眾驚呼連連。當山車領隊帶領巨大嘅山車穿過城市狹窄街道時，真係一項具有挑戰性嘅任務，值得一睇。祭典每年通常於4月7日至8日舉行，從08:00至22:00，祭典活動通常於18:00到達最高潮嘅部分。

景點資訊

• 名稱: 針綱神社
  
• 地址: 愛知縣犬山市北古券65-1
  
• 交通: 於名鐵犬山站落車，步行約15分鐘
  

明治村博物館

犬山露天明治村博物館展示咗日本封建時代以後嘅明治時期（1868年至1912年）60多座建築物。於明治時期，日本受到西方影響，呢啲建築物結合咗日本及西方建築風格。明治村博物館範圍相當寬廣，大約需要半日時間參觀所有嘅展品。

景點資訊

• 名稱: 博物館明治村
  
• 地址: 愛知縣犬山市字内山1番地
  
• 交通: 從名古屋站乘坐名鐵，於「犬山」站落車後，乘坐巴士約20分鐘車程。※於犬山站東口乘坐開往明治村巴士。