【日本 × 留學】明治大學—香港與台灣留學生對談實錄

上篇我哋帶大家嚟到擁有130年以上歷史嘅明治大學，訪問咗馬來西亞嘅留學生。呢篇就為你介紹香港留學生Anthony同台灣留學生Yuyu精彩嘅大學生活啦！

Q1：首先，請兩位簡單自我介紹一下

Anthony：我係嚟自香港嘅Anthony，35歲，嚟咗日本約5年，喺香港曾經學過4、5年日文。因為叔父都曾經嚟過日本留學，受佢影響下我都興起咗留學嘅念頭。而家係國際日本學系嘅year 4學生。

Yuyu：我係來自台灣嘅Yuyu，經營學系2年級生，來日約3年，今年21歲。喺決定嚟留學之前有學過日文，雖然當時N4能力試合格，但聽力同口語仲有進步嘅空間。

Anthony：因為想成為正式嘅日文老師。以前我喺香港有教朋友日文，所以希望嚟日本學習正確嘅發音同文法。

Yuyu：父母支持我中學畢業後就去外國留學，細個嗰時就開始幾乎每年都會嚟日本旅遊。相對於歐美國家，我比較習慣日本嘅生活同文化。

Anthony：咁啱喺明治大學國際日本學系嘅網頁上睇到「國際人」呢個詞彙，期許自己能以國際視角嚟重新認識日本，將真實嘅日本文化喺香港傳遞開去。

Yuyu：我認為讀經營管理方面嘅學系比較符合我嘅志向。而課程設計同規劃則係我揀學校嘅重要考量。經過比較之後，明治大學經營學系嘅課程重視實務、國際化，都比較符合我嘅需求。

Anthony：「國際日本學系」可以廣泛學習日本同國際文化、社會現狀，最特別嘅係有動漫相關嘅「Cool Japan」（クールジャパン）課程，喺其他大學入面比較少見。順帶一提，雖然我係以日文授課，但學系都有導入「English Track」制度，所以就算日文唔太叻嘅留學生都可以揀英文授課。

Yuyu：「經營學系」好充實，由一年級開始就被要求寫日文5000字嘅報告，仲有presentation，雖然一啲都唔輕鬆，但可以從中成長，並且有唔少企業參訪嘅機會，有助了解日本國內企業嘅現狀同摸索未來職涯。留學生必須要修讀日文、英文。若英文檢定分數達到標準，亦可申請學習其他國家語言。

Anthony：最難忘嘅係同同學一齊去合宿旅行，2018年秋天去咗青森、秋田，2017年夏天去咗氣仙沼大島，喺大學生活裡面都係好珍貴嘅回憶。

Yuyu：日本留學生活最正嘅係有機會到各地旅行。之前同朋友去咗輕井澤，係我人生中第一次滑雪！仲有我啱啱去完大分縣溫泉旅行添。

Anthony：為咗唔好令大學生活留下遺憾，請用心地學、用力地玩、盡情享受留學生嘅每一段時光啦！

Yuyu：留學生活有辛苦嘅地方，但我認為呢個先係成長嘅關鍵。自己想要點嘅大學生活，係取決於自己本身。我揀咗嘅係不斷挑戰超越自我界限，擁抱對未來嘅不確定性，並且仍然持續挑戰中。自己嘅人生應該係由自己嚟決定㗎嘛。