位於札幌山谷「定山溪」，浸溫泉、摘水果、划獨木舟係熱門旅遊活動。經過呢啲耗費體力嘅活動之後，相信你一定會覺得餓！就等我哋嚟睇吓定山溪附近有乜嘢美食啦！
定山溪美食
從北海道特產藍靛果忍冬到熱騰騰嘅火鍋，定山溪谷附近有好多豐富嘅美食。
成吉思汗燒肉
成吉思汗燒肉就係將肉類及蔬菜放喺金屬圓頂鍋上烹飪，如果呢位著名蒙古將軍知道有呢個以其名字命名嘅料理，唔知道會有乜嘢睇法呢！成吉思汗燒肉嘅食譜首次出版於1931年（昭和時代）。雖然名字叫做成吉思汗，但佢其實並唔係一道蒙古菜。由於兩個簡單原因，佢成為咗一個非常受歡迎嘅料理：便宜、而且味道鮮美！
味噌拉麵
濃郁嘅味噌湯拉麵加上叉燒肉，係定山溪谷附近熱門嘅美食之一。札幌以味噌湯底拉麵而聞名。標誌性嘅札幌味噌拉麵經常會加上奶油玉米。
帝王蟹
札幌海鮮亦非常新鮮可口。北海道嘅帝王蟹，可以重達4公斤，烹煮之前仍然係新鮮活蟹。仍哋嘅肉非常美味而且柔軟，係一種好難喺其他地方品嚐倒嘅美食。
溫泉饅頭
定山溪著名嘅溫泉饅頭，其饅頭皮加入咗醬油及蜂蜜，香氣濃郁、口感帶勁。喺距離札幌站一小時車程嘅定山溪大黑屋商店，可以買倒溫泉饅頭作為紀念品。
餐廳資訊
- 名稱: 大黑屋商店
- 地址: 北海道札幌市南區定山溪溫泉東4丁目319
- 交通: 乘搭定鐵巴士河童Liner號、高速7、8號，由札幌車站出發， 於定山溪站落車
定山溪附近嘅餐廳
麵屋雪風すすきの本店
講起正宗札幌拉麵時，會想去「麵屋雪風すすきの本店」。佢哋嘅奶油玉米味噌拉麵係札幌式，上面放咗蔥、韭菜、雞肉，口感柔和，喺你口中留下美妙嘅味道。一碗拉麵800円。可以加點一盤400円嘅餃子。餐廳入面唔夠15個座位，如果晚到，可能需要排隊半小時以上。
餐廳資訊
- 名稱: 麵屋雪風すすきの本店 (Menya Yukikaze Susukino Honten)
- 地址: 北海道札幌市中央區南七條西4-2-6
- 交通: 從地下鐵南北線すすきの站、中島公園站步行約8分鐘
Daruma (成吉思汗 だるま 4.4店)
由於價格合理以及用餐氣氛良好，Daruma (成吉思汗 だるま 4.4店)為成吉思汗烤肉嘅人氣餐廳。你可以飲酒，同時烤羊肉、洋蔥及其他蔬菜，有好多人花時間排隊，只為咗有機會喺呢度享用一頓美味大餐。餐廳於傍晚5點開始營業，建議喺開舖之前就先去排隊！據講佢哋嘅羊肉無腥味、肉質軟嫩多汁。
餐廳資訊
- 名稱: Daruma (成吉思汗 だるま 4.4店)
- 地址: 北海道札幌市中央區南四條西 4
- 交通: 從地下鐵南北線 すすきの站 步行1分鐘
Comments