棄繁華嘅新宿、池袋等地，2012年先選擇喺閑靜嘅世田谷公園隔離開店嘅蘋果批與咖啡店「GRANNY SMITH APPLE PIE & COFFEE」，憑著真材實料以及使用日本國產品牌蘋果嘅堅持，成為東京蘋果批名店之一。
口味創新及品項豐富等，因而成為人氣創意甜點。令世田谷公園隔離嘅小小店家拓展版圖到有好多時尚café所在嘅青山、橫濱、銀座等鬧區。10月更首次將版圖拓展至關西，喺神戶西宮展店，令蘋果批嘅好滋味唔單止限於關東地區，目前全日本共有7間店鋪。
FUN! JAPAN團隊上次前往總店「三宿店」採訪，今次則係要帶大家嚟到位於「青山」嘅店鋪，快啲跟住我哋嚟睇睇同三宿店嘅不同之處啦。
外賣自取或店內食用都OK 行街行到攰就嚟抖一抖，嘆返個下午茶啦
同總店不同嘅地方在於，「青山店」除咗可以外賣自取仲可以店內食用。同三五好友相約嚟店鋪享用蘋果批，再飲返杯香醇咖啡或紅茶，嘆返個愉快嘅下午茶都係一個唔錯嘅選擇。除咗蘋果批之外，提供店內食用嘅店鋪仲提供蔬菜鹹派同沙律等輕食，可以滿足顧客嘅各種需求。
「青山店」嘅裝潢同總店嘅鄉村風格相似，帶俾人一種返到屋企嘅感覺。一入門就可以睇到展示櫃上陳列約8種蘋果批。店內嘅木製裝潢，亦營造出溫馨氣氛。
「GRANNY SMITH」原創蘋果派DUTCH CRUMBLE
「GRANNY SMITH」原創嘅DUTCH CRUMBLE蘋果派，無多餘裝飾嘅簡單蘋果派，主要係為咗俾顧客可以品嚐出帶清脆口感嘅蘋果粒，以及較少喺日本甜點同料理中使用嘅「糖蜜」，因此可以享用到清脆酸甜嘅蘋果果肉，又可以嚐到濃郁嘅糖蜜味。
再淋上店內食用可以選擇嘅淋醬，又係另一種唔同嘅風味。店內提供4種淋醬，除咗楓糖淋醬之外，焦糖、覆盆莓、蜂蜜柳橙嘅淋醬都係店家獨製。
與知名日劇合作 推限期聯名蘋果批商品
「大戀愛蘋果批」係「GRANNY SMITH」同戶田惠梨香主演日劇《大戀愛～和忘記我的妳》(大恋愛〜僕を忘れる君と)聯名商品。配合日劇檔期，從10/6至12/14限期販售3個月。帶有柔和蜂蜜味，喺蜂蜜奶油內添加淡淡黑醋香氣，與滿滿嘅蘋果烤製而成嘅蘋果批。「大戀愛蘋果派」因實際出現喺日劇當中，更曾經喺日本掀起一陣話題。每日限量推出都成日搶購一空。
當tiramisu遇上蘋果批 顛覆你對蘋果批嘅印象
使用馬斯卡彭芝士，聞上嚟帶有咖啡香氣，即係tiramisu啦，一咬落去，咦?點解會有蘋果味嘅。啱啦！呢個就係青山店嘅限定口味「Tiramisu 蘋果批」，可以食到tiramisu綿密蘋果批嘅清爽，配搭隨餐附贈嘅淋醬、雲呢嗱雪糕同奶油一齊食，又係另一種完全不同嘅風味，完全顛覆你對蘋果批嘅印象。單片外賣自取未稅售價為450円，店內食用售價則係未稅650円。
GRANNY SMITH嘅GRANNY SMITH蘋果批
GRANNY SMITH品種喺日本仍然相當稀少，所有店鋪均有販售嘅「GRANNY SMITH蘋果批」，亦都係限期販售嘅季節商品，僅販售至春天。毫不手軟添加大量蘋果果肉，食落去帶有微微酸味且口感清爽，會令人忍唔住一啖接一啖，一咬落去仲可以食到新鮮清脆嘅蘋果果肉吖。單片外賣自取未稅售價為450円，店內食用售價則係未稅650円。
今次FUN! JAPAN團隊啱啱喺聖誕節前夕造訪青山店，店內亦擺設咗應景裝飾，仔細一睇，店內隨處都有蘋果嘅蹤跡喔。下次嚟日本旅行嗰陣，請務必抽時間嚟青山店或係各店鋪，品嚐GRANNY SMITH嘅蘋果派啦。各店鋪嘅詳細資訊，可參考下面嘅店鋪資訊link。
店舗資訊
- 店名：GRANNY SMITH APPLE PIE & COFFEE 青山店
- 住所：東京都港區南青山5-8-9
- 營業時間：10:00〜21:00
- 交通方式：東京METRO「表參道」車站、從B1、B3出口徒歩3分鐘抵達
Comments