你有無試過有「好想去日本留學」呢個想法呢？
去日本留學，學日文，體驗日本生活，去日本國內旅行遊遍各個地方嘅外國人越來越多。想就想，但係實際行動，去日本留學唔多唔少都會感到不安。煩惱唔知點得到留學相關資訊同消息嘅人應該都唔少。
為協助對日本留學有興趣但感到不安嘅人，我哋訪問咗現正在ISI日本語學校就讀嘅外藉學生,同大家分享一下日本留學嘅心得同感想。
「ISI日本語學校」(以下略稱為「ISI」）係日本國內嘅日本語學校，學生來自世界50多個國家，豐富嘅國籍環境係一大特色。呢次特別訪問咗來自台灣嘅Debo同香港嘅Charles，兩位嘅共通點都係畢業後有返過工，後來下定決心去日本留學、一圓夢想。如果而家企喺人生十字路口嘅你，考慮緊去唔去日本留學好，咁就千祈唔好錯過呢篇報導喇！
Q1、喺訪談開始之前，請先簡單自我介紹一下。
Debo：我係來自台灣嘅Debo，今年28歲，嚟日本之前完全無學過日文。2017年4月入學到而家大約一年八個月。
Charles：我係嚟自香港嘅Charles，今年25歲，喺香港從事設計相關工作。我係2017年10月入學，大約嚟咗一年兩個月。
Q2、點解會想去日本‧東京學習日文呢？
Debo：我嘅工作比較偏理工相關，特別嚮往日本人對於工作一絲不苟、實事求是嘅態度。原本喺中學時就有想去日本讀書嘅念頭，出社會後累積咗啲工作經驗同經濟能力，加上想轉職，貿貿然就辭咗份工，去日本一圓留學嘅夢想。
Charles：去日本前我喺香港日經日本語學校學過6個月日文，不過一個星期只有一堂，學習進度非常緩慢。我認為要將一個語言學好，最好嘅方式都係去當地生活、學得會比較有效。加上我自己都想趁後生時多啲睇吓外面嘅世界，所以就將做咗2年幾嘅工辭咗，嚟到日本留學。
Q3、喺咁多語言學校當中，揀ISI日本語學校嘅理由係咩？符唔符合你當初嘅期望呢？
Debo：除咗學校位於池袋，生活機能方便之外，學生嘅國籍組成都係我考慮選擇ISI嘅一大原因。我嘅同學大多數嚟自英語系國家，平時都用日文或英文交流，老師喺堂上都會鼓勵大家分享自己國家嘅文化同習慣，雖然主要目的係學日文，但無形中都交咗好多嚟自世界各地嘅朋友，了解到其他國家嘅生活樣貌。
Charles：一開始被招生手冊吸引，因為我係學設計嘅，重視視覺效果（笑）。而且學校喺池袋，非常方便。不過，主要嘅原因都係ISI係少數提供就職班課程嘅日本語學校。實際入學後發現，就職班嘅課程唔只加強我哋商務日文能力同商務禮儀，仲會安排到ISI本部練習面試，對於溝通、應對進退同認識日本企業現況好有幫助。
※對於去日本留學充滿興趣嘅你，要唔要試吓報讀ISI日本語學校嘅暑期課程呢？可以學日文之餘，仲可以體驗日本文化添。即刻點擊下面按鈕，了解更多暑期課程嘅相關資訊啦！
Q4、實際入學之後，你覺得ISI日本語學校嘅教學特色係咩呢？
Debo：我喺ISI遇過嘅老師都好唔錯，而家嘅班導師都會舉好多生活化嘅例子嚟做教學。初班嘅功課同功課會比較多，但我覺得呢個係必須嘅，到咗中級以後因為識嘅日文變多咗，老師就會鼓勵我哋將時間放喺課外活動上、試多啲其他嘢，唔好淨係侷限喺課本上。
Charles：我哋班學生人數唔多、大約十幾個，班導師嘅教學方法都好有趣，佢會舉好多實際嘅例子擺落文法當中，幫我哋融會貫通。喺香港學日文時老師用廣東語嚟教，對初級嘅我好有幫助；嚟到ISI之後係全日文教學，進步空間又大咗啦。
Q5、請同我哋分享你嘅日常生活，或者係任何有趣嘅事、困擾嘅事。
Debo：我記得好清楚2018年1月22日東京落咗雪！呢個係我第一次見到雪，好興奮咁做咗個雪人。
Charles：我鍾意攝影，最近愛上咗露營，放假時會同朋友一齊去旅行，感受大自然。
Q6、最後，請俾想要到日本留學、到ISI日本語學校學日文嘅人一啲建議。
Debo：ISI係一間好正嘅學校，喺度可以盡情咁學習，並且享受各種文化衝擊。
Charles：要跨出comfort zone（舒適圈）並唔係一件好難嘅事，只要你願意！
睇完外國人留學生嘅訪談，唔知你覺得點呢？
如果藉此訪談能令你產生興趣想嚟日本留學咁就好喇。對於去日本留學充滿興趣嘅你，要唔要試吓報讀ISI日本語學校嘅暑期課程呢？可以學日文之餘，仲可以體驗日本文化添。即刻點擊下面按鈕，了解更多暑期課程嘅相關資訊啦！
Comments