想體驗一個國家嘅文化同學習一門新語言，最快嘅方式就係去當地學習並融入環境。身為觀光大國嘅日本，有好多人因為鐘意日本文化、歷史、動漫、偶像等，為咗接收第一手最新消息，而開始學習日語。日本嘅日語教育機構大致分成3種，大學別科、專門學校日本語學科以及日本語學校。大家可以依據自身條件、程度同目的嚟揀選就讀邊一種類型嘅學校。另外，為咗取得『留學』嘅在學資格，必須確認自己所揀選嘅學校係咪日本法務省認定嘅日本語教育機構(大學別科除外)。而呢3種機構嘅區別又喺邊度呢？跟住落嚟就等FUN! JAPAN團隊嚟為大家說明上述各者嘅不同之處啦。
大學留學生別科
大學嘅留學生別科係為咗想喺日本大學就讀嘅外國人所設置，喺大學教授日語嘅地方，簡單啲嚟講就係大學入面附設嘅日本語學校。大學別科嘅優點，係別科嘅學生可以同普通大學生一樣使用大學嘅各項設施(學生餐廳，圖書館等）；另外，認識日本人以及同日本人交流嘅機會都比較多，依據日文能力嘅不同，有啲學校更會提供直接選修大學部嘅課程。
- 入學時期：4月、10月
- 入學資格：具備一定日語程度，喺自己國家完成12年正規學校教育，或具備同等以上學力，且年齡為18歲至30歲。
- 申請時期：希望入學時期前半年(詳細日程請上各校官網查詢)
- 提交資料：入學報名表、報名費、照片、學習計劃書(日文)、最終學歷歷年成績單(附翻譯)、最終學歷畢業證書(附翻譯)、推薦狀、誓約書、經費支付者資料、健康檢查、護照影印本等。
- 課程長度：基本為1年，視情況可延長
- 授課時間：全日制
- 全年授課時數：約1200小時
- 全年學費：大約50萬日圓~80萬日圓(不含入學金等其他費用)
日本語學校
由於日本地價昂貴，好多日本語學校同印象中嘅校園唔同，多半係單棟或者係單層樓嘅教室，同補習班嘅環境類似。課程依據各間學校不同，除咗教授一般嘅日本語課程之外，仲附設晉升大學、研究所嘅升學課程。針對將來想升學嘅學生，仲會另外開設英文、社會、數學等課程。
- 入學時期：1月、4月、7月、10月
- 入學資格：喺自己國家完成12年正規學校教育，或具備同等以上學力。
- 申請時期：希望入學時期前半年(詳細日程請上各校官網查詢)
- 申請資料：入學報名表、報名費、照片、學習計劃書、最終學歷歷年成績單、最終學歷畢業證書、誓約書、經費支付者資料、健康檢查、護照影印本等
- 課程長度：6個月~2年
- 授課時間：半日制(4堂課，分上午班同下午班)
- 全年授課時數：約800小時
- 全年學費：大約65萬日圓~80萬日圓(不含入學金等其他費用)
專門學校日本語學科
從字面就可以得合，專門學校係學習專門技術嘅學校，課程內容包括電腦、設計、美容、飲食、口譯‧翻譯、經營等範圍廣闊。日本人喺高中畢業後，可以選擇晉升大學、短期大學或者係專門學校就讀。目前，有越來越多外國人喺自己國家嘅大學畢業後，為咗學習一技之長而專程跑嚟日本就讀專門學校，因此，有好多專門學校都為想學日文或者想升學嘅外國人開設日本語學科。雖然無好似大學一樣嘅校園，而且同日本語學校一樣俾人補習班嘅印象，但係都有部分專門學校可以同日本人學生交流。另外，有啲專門學校嘅日本語學科因地區管轄入國管理局不同，甚至無設置簽證申請截止日期，直到入學時期前都仲會持續招收學生㗎。
- 入學時期：4月、10月
- 入學資格：喺自己國家完成12年正規學校教育，或具備同等以上學力。
- 申請時期：希望入學時期前半年到3個月前(詳細日程請上各校官網查詢)
- 申請資料：入學報名表、報名費、照片、學習計劃書、最終學歷歷年成績單、最終學歷畢業證書、誓約書、經費支付者資料、健康檢查、護照影本等
- 課程長度：6個月~2年
- 授課時間：全日制(5堂課)
- 全年授課時數：約970小時
- 全年學費：大約66萬~80萬(不含入學金等其他費用)
以上為大家簡單介紹咗3種日語教育機關嘅不同之處，希望接落嚟嘅日子計劃嚟日本留學嘅人，都可以揀選出適合自己嘅教育機關啦～
Comments