參拜「湯島天滿宮」嘅學問之神！向東京著名神社出發

東京有好幾間出名嘅神社。而其中，歷史悠久嘅湯島天滿宮（湯島神社、湯島天神）係一間被視為祭祀學問之神，備受當地居民愛戴嘅神社。由上野站可以徒步抵達，每年亦有好多觀光客到訪參拜。今次就同大家介紹湯島天滿宮嘅歷史與文化，祭典，交通方式。

「湯島天滿宮」係？

於458年創建而成，擁有悠久歷史嘅神社。於江戶時代，亦有出現於著名畫家・歌川廣重嘅浮世繪畫作當中。

湯島天滿宮最大嘅特徵係祭祀作為學者以及政治家，才能出眾嘅日本名人・菅原道真。

菅原道真喺日本被視為「學問之神」祭拜。因此，每年都有好多為祈求學校考試合格以及一般資格考試合格嘅考生嚟參拜，而呢度都一直掛滿寫上各種願望嘅繪馬。

坐立於小山坡上嘅湯島天滿宮。從湯島車站出發，途中會遇上「男坂」以及「女坂」。從任何小梯級最終都可以抵達湯島天滿宮，唔同嘅係小山坡嘅斜度。男坂由38層石段所組成。女坂則係以33層石段組成嘅緩和坡度。

此外，仲擺設咗「撫で牛」（開運撫牛），身體有邊度唔舒服嘅話可以對應撫摸，從而減輕病痛折磨。尋人石「奇緣冰人石」等等，各式各樣嘅名勝所在。

湯島天滿宮周圍充滿古跡風情，只係行走於街道上都可以感受到當中氣氛！

每年每逢11月，湯島天滿宮都會開催「湯島天神菊花祭」。神社境內到處裝飾咗被稱為秋之花嘅菊花。

依懸崖垂落造型嘅「懸崖（けんがい）」係作為菊花展嘅壓軸！

喺祭典，仲可以欣賞到猿猴嘅雜技曲藝表演。

如果秋季時分咁啱喺日本嘅話，不妨嚟欣賞色彩繽紛嘅菊花綻放，享受日本祭典嘅獨特氣氛啦！