江戶文化以及日本動漫。去東京玩當然要去富特色嘅「神田明神」神社

喺東京大約有2,000間神社。而其中講到最出名以及富有獨特色彩嘅神社當然就要數「神田明神」神社。佢喺守護各江戶住民嘅同時，最近仲同『LOVE LIVE！』等等嘅人氣動漫合作。一於就同小編一齊嚟睇睇神田明神嘅歷史同好去處啦！

「神田明神」係？

神田明神於730年創建而成。喺江戶時代，作為「江戸総鎮守」（守護整體江戶嘅神社），係將軍以及庶民嘅信仰中心。從秋葉原車站就可以步行抵達。現今，作為守護東京―神田，日本橋，秋葉原，大手町・丸之内等等地區嘅神社，參拜者絡繹不絕。

作為守護秋葉原嘅神田明神神社，仲同日本動漫有強烈嘅牽絆。特別係以IDOL為主題嘅日本動畫『LOVE LIVE！』，現實取景地為神田明神。而神社懸掛住印有動畫角色嘅繪馬，廣告牌，以及販賣各種LOVE LIVE相關商品，可以睇得出神社同呢部動畫之間嘅深厚緣分。

另外，由於神田明神吸引唔少嘅日本動漫FANS嚟巡禮，仲懸掛咗好多「萌え絵馬」（得意可愛嘅手繪繪馬）一定要留意啦！對於日本神社嚟講，懸掛一排又一排嘅手繪繪馬可以話係非常珍奇嘅光景。

穿過鳥居抵達神田明神嘅「隨神門（ずいじんもん）」。由製作長崎平和祈念像嘅北村西望所監修。

踏入隨神門，出現喺眼前嘅係於1934年建築而成嘅御社殿。御社殿以鐵骨鐵筋混凝土造構成，外層整體亦塗上赤紅油漆。

優秀嘅石獅子。正面面向參拜者亦都非常珍奇。

作為幫手牽姻緣線嘅大黑天神。神像高達6.6m、重約30噸、係日本最大嘅大黑天石像。

天氣好嘅話仲可以睇到TOKYO SKYTREE㖭！

神社區內仲設有電子看板，可以閱讀參拜神社嘅方式以及相關歷史（只提供日語以及英語服務）。

從東京中心地區方便抵達，帶俾你歷史以及文化體驗嘅神田明神。嚟東京觀光嗰陣一於就安排時間參拜啦。