鹿兒島市除咗必食黑豚、搭巴士遊櫻島、指宿砂浴之外、仲有超多必試・必去・必玩行程! 隱藏景點新體驗懶人包!
「自己溫泉自己掘【掘足湯】」、「櫻島溶岩PIZZA製作體驗」、秘密打卡聖地「粉紅色神社」、百年建築「白色星巴克」、「與日本最細粒嘅橘子相遇了？採摘體驗」、鹿兒島「叮叮」遊、等等…(哇! 仲有？! )
鹿兒島市10大必去隱藏景點+必試新體驗攻略!
隱藏景點! 粉紅色神社【若宮神社】
巧遇可愛鹿兒島小孩!(超可愛!行過見我哋影緊相主動「KONICHIWA」打招呼)
粉紅色神社？？？! ! !
超隱蔽! 唔止鳥居、連神社都係粉紅色!
冇咩人知嘅開心大發現! 係你飛鹿兒島下一個必去行程!
- 〒891-1543 Kagoshima Prefecture、 鹿兒島市東桜島町345-1
自己溫泉自己掘【掘足湯】
位於有村熔岩展望所附近嘅「有村海岸」可提供遊客自行挖湯體驗足湯!
你只要拎起個鏟、掘掘掘、就會掘到因為火山地熱而形成嘅熱呼呼泉水(哇! 自然足湯! )浸住腳仔睇睇海景嚟個雙重享受吧!
呢邊可以一次過望到晒大正、昭和、江戸時代嘅溶岩石喔!
*小編小女子掘得唔多深、CLICK去睇睇其他人嘅足湯溫泉DIY體驗順便預約啦。(會因應天氣等因素影響唔係日日都有得掘喔~因為掘之前CHECK好個時間表先啦!)
不一樣的風景感受・櫻島フェリー【櫻島渡輪】
15分鐘嘅時間、吹著海風、上下層移動、足以令你從海上另一角度去欣賞鹿兒島嘅美。係海途上你會感覺到同「櫻島」愈走愈近、而渡輪上嘅「やぶ金」烏冬湯底清甜簡單、邊食烏冬邊賞櫻島。食住去烙印上你同櫻島回憶嘅味道。
- 櫻島フェリー【櫻島渡輪】
- 票價：成人160日圓、小學生以下80日圓、身障者則為一半價格。
與日本最細粒嘅小蜜橘子相遇?! 當地農家果園採摘體驗
櫻島火山灰土壤＋溫暖氣候、栽培技術等充足條件下孕育而成-有日本最細粒稱號嘅「櫻島小蜜橘」!
唔好睇佢細細粒、食落甘甜、忍唔住一粒接一個粒⋯
而且一個價錢係園內摘超多粒! 邊摘邊食、當然可以摘完拎走當手信啦!
- 吉原果樹園
- 鹿児島市東桜島町
- 蜜柑採摘體驗：9月尾～12月中
- (仲有琵琶採摘體驗4月尾～5月中)※需事前預約。
櫻島溶岩石加持嘅PIZZA製作新體驗
吓?! 櫻島溶岩石燒烤出一片PIZZA來?!
你以為粉團搓兩搓放去燒烤就OK?NONONO~
要從零開始一手一腳去組出一個熔岩窑喔! 超級過癮吧?來一片有櫻島溶岩加持嘅PIZZA吧。
百年建築新體驗-星巴克仙巖園店
繼星巴克神戸北野異人館店和弘前公園前店、第3間活用「國家有形文化財」建築作為營業店鋪嘅星巴克
仙巖園風景有幾優美怡人、或者你亦略有知曉、而處於仙巖園旁嘅白色星巴克Starbucks仙巖園店對面就係櫻島火山、喺裡面賞櫻島飲咖啡令人有種處於桃花源氛圍嘅感受
- 星巴克Starbucks仙巖園店
- 鹿児島県 鹿児島市 吉野町9688-1(仙巖園旁)
櫻島火山灰砂繪畫DIY體驗【櫻岳陶藝】
「櫻島」、世界上僅存嘅「活火山」之一、更是鹿兒島嘅象徵。
【櫻岳陶藝】主人一直以「從天而降的火山灰乃自然受恩嘅禮物」創造出「櫻島燒」。更提供「櫻島火山灰砂繪畫DIY體驗」
初心者小編都DIY出一座櫻島吖! 只需20分鐘左右~你又要唔要嚟試下、整返張獨一無二嘅火山灰ART手信?
- 櫻岳陶藝
- 〒891-1420鹿児島市桜島赤水町1360番地
簡單深度道地・鹿兒島「叮叮」遊
除咗搭車或搭船、仲可以搭埋「叮叮」遊鹿兒島!
香港「叮叮」吸引、鹿兒島「叮叮」都好迷人! 而且外型趣緻可愛、推薦小乘來往天文台和鹿兒島中央站呢一小段距離、帶畀你超道地鹿兒島遊滋味、想簡單深度遊就唔好錯過啦!
(仲有提供搭「叮叮」鹿兒島遊、同租「叮叮」深度遊服務喔! )
真人連線翻譯服務體驗「鹿兒島中央駅總合觀光案内所」
對於去日本自由行嘅遊客嚟講、最頭痛可能唔係搵路(有手機網路GPS)
而係最怕雞同鴨講! 而鹿兒島中央駅總合觀光案内所有個超貼心暖笠笠「真人連線翻譯服務體驗」
為你即時連線! (有中、英、泰等等多項語言提供)
令你溝通更暢通無阻、唔怕雞同鴨講!
- 鹿兒島中央駅總合觀光案内所
- 〒890-0053 鹿児島県鹿児島市中央町１−１
親親海豚時間・摸摸海星海膽海參【鹿兒島水族館】
設有親親海豚時間-今次小編去上嘅海豚時間係「海豚們鰭的秘密」
仲有一個小小Tough Pool範圍可以摸摸海星海膽海參等海洋生物
- 鹿兒島水族館
- 〒892-0814鹿児島県鹿児島市本港新町３－1
想出走的心蠢蠢欲動了嗎?
有著自然歷史、櫻島澤惠等美麗嘅風景、溫泉美食、同埋親切熱情嘅鹿兒島人民，無論係三日兩夜短遊定一星期悠遊，去「掘個溫泉【掘足湯】」、搵打卡聖地「粉紅色神社」、去偶遇「日本最細粒嘅小蜜橘子」…同九州鹿兒島來個約會吧!
想睇更多？
♡FUN!JAPAN♡好朋友♡撰寫的鹿兒島文章♡
Comments