神戶係一個港口城市，可以搵到迷人嘅旅遊景點，如北野異人館等。除咗旅遊景點，仲有好多美食和商店聚集。神戶可以稱為兵庫縣嘅中心，唔少兵庫縣嘅特產都可以係呢度見到佢哋嘅蹤影。從食品到服飾、一般商品和各種本地產品，包羅萬有任君選擇。去睇睇心水推薦名單3選,神戶必去必逛買手信好地方！
「Entree Marche 三之宮」神戶人氣甜點專區
神戶時尚美味甜點種類多到數唔晒，總係會令人眼花撩亂難以抉擇，小編心水推薦係「神戶風月堂」嘅Gaufre鬆餅，鬆餅加入咗奶油、口感微脆、外形呈不規則嘅圓形鬆餅。「風月堂」成立於1753年嘅甜點店，可以話係去神戶時必買手信好地方。除咗gaufre鬆餅，仲有勁多精緻甜點。於JR三宮站內，建議可以去「Entree Marche 三之宮」,便利商店與手信店嘅種類都可以一目了然。店鋪由清晨營業到深夜，有豐富嘅甜點銷售專區，適合旅客選購。
店鋪資訊
- 名稱: Entree Marche 三之宮 (アントレマルシェ三ノ宮店)
- 地址: 兵庫縣神戶市中央區布引町4-1-1，三宮站内
- 交通方式: 與三宮站直結
玻璃DIY－親手製作屬於自己嘅神戶紀念品
神戶有好多工作坊，你可以體驗玻璃DIY。「北野工房之街」(北野工房のまち)，有一個叫做「Little Craft 神戶」嘅工作坊， 可以係細玻璃球杯中放入玻璃裝飾物，製作得意趣緻嘅玻璃杯球小擺設。工作坊裡面仲準備咗130幾種玻璃裝飾物品。你可以揀兩件，包括動物、海洋生物或其他，用特殊樹脂將它們粘係玻璃球裡面。可以係15分鐘至30分鐘內完成，即使時間有限都可以輕鬆完成。嘗試係玻璃球內打造一個如像神戶一樣令人難忘嘅港口城市吧！
店鋪資訊
- 名稱: Little Craft Kobe (リトルクラフト神戸)
- 地址: 兵庫縣神戶市中央區中山手通3丁目17－1，北野工房のまち2樓
- 交通方式: 從元町站步行15分鐘；JR・阪急・阪神三宮站步行18分鐘
有馬溫泉嘅傳統竹藝「有馬籠」
歷史悠久嘅「有馬籠」，係神戶有馬溫泉嘅傳統竹藝。「有馬籠」係將竹子做成細長竹片，然後手工編織做成各式容器。從用於茶道、花道竹藝品到日常生活使用嘅水果籃都有，屬神戶著名嘅紀念品。有馬溫泉嘅「(株)竹藝有馬籠KUTSUWA」係製造、銷售傳統竹藝「有馬籠」嘅公司。可以係店面購買精緻嘅竹藝品，如筷子、籃子、茶具等；亦有機會睇到係現場製作竹藝品嘅職人。
店鋪資訊
- 名稱: 竹藝有馬籠KUTSUWA (竹芸 有馬籠くつわ)
- 地址: 兵庫縣神戶市北區有馬町1049
- 交通方式: 神戶電鐵有馬線有馬溫泉站向南步行12分鐘
Comments