毛鬙鬙嘅比卡超同伊貝周邊商品新登場～小編覺得耳罩係最可愛㗎！！！
但身為一個成年人，戴住佢出街好似有點羞恥⋯⋯
無錯，寵物小精靈寶兩大人氣角色「比卡超＆伊貝」又嚟啦～ 喺寒冷嘅冬天，日本Pokémon Store喺日前正式推出以比卡超同伊貝為主角嘅毛鬙鬙系列商品，炸毛寵物小精靈雙萌準備喺冬季療癒你嘅身心♡ fans們嘅荷包又要準備奉上啦～
大臉比卡超、伊貝袋仔～毛鬙鬙睇落去好好摸！大家睇到之後係唔係同小編一樣，有想摸佢一下嘅衝動呢？
大臉袋仔除咗可以手提之外，仲設計咗背帶可以側揹。不過呢個揹起上嚟嘅視覺效果實在太吸睛，好似佢喺度望住路人咁XDD
背包系列仲有「成隻」比卡超同伊貝款，揹喺身上就好似帶住比卡超或者伊貝出門一樣。除咗作為袋嘅用途，夜晚攬住瞓覺都好舒服♡
以比卡超、伊貝小小臉龐為造型嘅銀仔包，炸毛炸到底嘅樣睇落去好暖！喺後腦嘅地方仲印有佢哋嘅大名，好療癒呀!
隨身小包系列仲有束口袋款式，開口處啱啱好喺佢哋嘅腦袋上面（聽落去好血腥添哈哈），打開個袋仔都充滿幻想空間XDD
最後登場嘅係Q萌耳罩，咁凍冰冰嘅冬天就等比卡超同伊貝溫暖你嘅耳仔啦～小編覺得呢一款用起嚟簡直注目度十足呀!XD（雖然細路仔戴比較適合, 但我都好鍾意哈哈）目前商品全部都已經喺日本Pokémon Store販售中，咁啱去日本旅行嘅朋友記得入手啦！
Source: pokemon Store
© 妞新聞 www.niusnews.com
Comments