【在日外國人系列】我嘅日語學校就讀以及日本生活經驗

校名、學校所在地、校地以及基本資訊

亞細亞文化會館（ABK）位於東京文京區。東京文京區係東京都教育機構密集嘅一區，知名嘅東京大學亦設立喺呢區。

ABK Group創立於1957年，較為熟悉嘅名稱係亞細亞文化會館。2018年9月啱啱先至慶祝咗55歲生日。歷史悠久嘅老校，教室同教學設備等設施都非常新凈，師資優秀，大家竭盡所能地傳授日語知識。

目前在校生約有240名，學生國籍大部分來自亞洲地區，如中國、台灣、香港、越南、泰國、馬來西亞以及韓國。

學費約62萬日圓，唔包含2萬円嘅入學報名費及8萬円入學金。就讀一年嘅日本語學校，加加埋埋大概72萬円，換算港幣大概5萬左右(去少幾次旅行就可以去體驗留學生活?!)。支付費用後，可以獲得860小時嘅日語課程、學習教材以及各式各樣嘅學校資源。

每個禮拜由2~3位老師輪班授課。例如A老師上星期一、星期二、星期五，其他老師上其他日子嘅課堂。課堂指甲會有小息。老師課堂上點名，遲到一分鐘都算遲到。

另外，學校仲提供咗宿舍，行路到學校凈係需要15分鐘，可以節省唔少交通費。一個月宿舍費含水電約5萬円。依據宿舍房型不同，價位不一，而房間亦非常有限。有好多學生會選擇喺出面租屋，同朋友一齊合住分攤費用。

點解我會揀咗亞細亞文化會館（ABK）就讀呢？理由好簡單，因為位於東京，機能方便。而且就讀該學校嘅學生都成功考獲日語能力檢定（JLPT）優異成績。

另外，學校授課時間唔長，俾我可以彈性運用課餘時間，喺校外體驗更多日本嘅一切。

喺呢間學校學習，我學到一樣嘢就係班上如果無同你講一樣母語嘅人會比較好。因為會唔自覺同母語人士用一樣嘅語言溝通，咁樣嘅話日文就唔會有進步。最好隨時隨地處於日語嘅環境之下。

此外，學校除咗基本課業、仲有日本文化及各種體驗，但時間唔夠俾你充分了解日本豐富嘅歷史同文化涵養。附近有圖書館，如果唔知道從何著手，不妨行一趟圖書館，仲能夠提供好多日本相關資訊。

圖書館亦會舉辦好多活動、講座，歡迎大家參加。

位於文京區嘅千石圖書館同本駒込圖書館都非常唔錯，可以喺嗰度學習到更多有關日本嘅一切，提升自己嘅語言能力。

我嘅學校生活同宿舍生活都非常順利，溝通上幾乎無問題，日常生活上亦毫無障礙。因為我喺入學之前，每個禮拜都上日語學校，成日睇日劇，喺日劇中學習到好多有關日本嘅風俗文化，一直都默默地在為留學生活作準備。

我覺得我做咗入讀亞細亞文化會館（ABK）呢個選擇，無揀錯，因為上堂嘅時光非常愉快，老師會認真咁傾聽學生對課程嘅意見，而且宿舍離學校同圖書館又好近，令我節省咗好多時間。學校鄰近JR電車同地鐵，要去邊度都非常方便。

另一方面，我仲結交好多外國朋友，豐富咗自己嘅生活。雖然對日語學習上毫無幫助，因為大多數都會使用中文或英文。

學校亦會提供相關打工等支援及幫助，會將打工相關資訊貼喺學校嘅佈告欄上面，班導師亦會提供相關意見。

每個學期仲會有一次免費嘅健康檢查，學校會請醫生嚟學校解答學生有關任何健康方面嘅問題。當然你必須用日文同醫生溝通，就當作對話練習，同醫生諮詢你健康上嘅煩惱啦。