埼玉縣嘅川越位於東京西北部，充滿好多出名嘅旅遊景點，例如，傳統商業區藏造老屋街道、大正浪漫夢通老街、擁有500幾尊羅漢像嘅喜多院。住喺呢個懷舊嘅城市，可以慢慢體驗老江戶時代嘅氛圍。
川越酒店精選
川越有各種類型嘅酒店，從經濟型、日式旅館到高級酒店都有。如果酒店附有「僅限成人」嘅字樣，則可能僅適用於情侶宿泊，禁止兒童進入。
川越第一酒店
從川越站步行幾分鐘就可以抵達嘅「川越第一酒店」係一個好好嘅住宿選擇，方便嘅經濟型酒店，附近有好多商店同餐廳。有142間單人房，呢間酒店頗受歡迎，最好事先預訂。酒店工作人員非常親切、服務周到，櫃台24小時營業。酒店內嘅設施可能有啲舊，但仍處於良好狀態並且保持清潔。酒店提供嘅餐點非常唔錯。另外有單人房、單人豪華房、雙人房同三人房型。
單人房一晚住宿為7,300円。雙人房14,000円起。如果從酒店官方網站預約，仲可以享有折扣優惠。
酒店資訊
- 名稱: 川越第一酒店(Kawagoe Dai-ichi Hotel)
- 地址: 埼玉縣川越市菅原町7-34
- 交通方式: 從川越站「東口」步行3分鐘
松村屋日式旅館
松村屋日式旅館係一揀擁有14間客房嘅日式旅館，靠近一番街藏造老屋街道。想體驗傳統日式旅館嘅客人就最啱啦。房間寬敞乾淨，工作人員服務周到，每日為你整理房間。
住宿一晚11,000円起。日式旅館嘅住宿費用通常會比較高一啲，即使係咁，呢間日式旅館都算係價格合理。
酒店資訊
- 名稱: 松村屋日式旅館 (Ryokan Matsumuraya Saitama)
- 地址: 埼玉縣川越市元町1-1-11
- 交通方式: 西武線本川越站步行10分鐘；川越市站步行約25分鐘
三光酒店川越溫泉湯遊園地
鐘意浸溫泉嘅人埋嚟睇！雖然酒店頗有年代感，但設施依然乾淨舒適。附有溫泉浴池，客房價格實惠。有64間、共四種類型嘅房間可以選擇。酒店經常舉辦活動同表演，從傳統表演到流行樂團都有。想觀看演出嘅話需要另外付費。酒店每個月仲會舉辦卡拉OK賽等活動。
入住三光酒店川越溫泉湯遊園地，費用方面雙人房每晚12,000円起，含早餐。三個鐘嘅溫泉浴池費用為760円。
酒店資訊
- 名稱:三光酒店川越溫泉湯遊園地(Kawagoe Yuyu Land Hotel Sanko)
- 地址: 埼玉縣川越市新富町1-9-1
- 交通方式: 本川越站步行約3分鐘；川越市站步行約8分鐘；川越站步行約12分鐘
川越東武酒店
川越東武酒店可能係川越地理位置最好嘅酒店之一，設有歐式餐廳，接待人員非常有活力。客房乾淨，同標準尺寸嘅東京客房相似。但係房間凈係得基本嘅隔音，可能會聽到鄰居嘅一啲聲音，不過影響唔會太大。如果唔吸菸，請務必預約禁煙房，以免房間煙味瀰漫。
住宿價格每晚11,000円起。有時候會推出訂房優惠方案，單人房每晚只喺需要6,000円。
酒店資訊
- 名稱: 川越東武酒店(Kawagoe Tobu Hotel)
- 地址: 埼玉縣川越市脇田町29-1
- 交通方式: 東武東上線・JR川越線 川越站東口步行6分鐘；西武新宿線 本川越站步行8分鐘
Comments