如果你計劃前往嚴島（宮島）旅遊，並且係海洋生物嘅忠實粉絲，咁一定唔可以錯過宮島水族館！非常適合同屋企人同朋友一齊去，嚟呢度度過充實嘅一日，意外發現水族館入面有好多嘢可以做！甚至仲有一個講座室，遊客可以深入了解海洋生物！
宮島水族館介紹
宮島水族館係觀賞同體驗瀨戶內海最好嘅方式之一。呢度有大約350種海洋動物，包括稀有嘅江豚、海獺、海獅甚至企鵝。
除咗觀賞水族箱同水池中迷人嘅海洋生物之外，仲有好多活動，從企鵝餵食、海獅表演、水獺餵食到海獅餵食等等！
甚至仲有一個互動活動，可以直接觸摸同觀察岩石海岸生物。無論大人細路都可以樂在其中。想更了解海洋生物？可以參加館內嘅講座，動物飼養員將深入介紹海洋生物。
行到攰咗，如果想休息一下，可以到屋頂嘅草坪同戶外野餐區，享受新鮮空氣嘅，同時享用便當。
想食啲嘢醫肚？可以去Miyajimarine Kitchen餐廳，呢度販售漢堡包、輕食、甜品同飲品。用餐嘅同時仲可以欣賞瀨戶內海美景。
請注意，水族館可能會不定時休館，所以出發之前請務必上官網check吓想去嘅日子有無開館啦！
相關資訊
- 名稱: 宮島水族館
- 地址: 廣島縣廿日市市宮島町10-3
- 開館時間: 9:00 ～ 17:00 ※最後入館時間為16:00。水族館維護期間會暫時休館。
- 門票: 成人及高中生1,400円；小學及初中生700円；小童400円
- 交通方式: 從宮島棧橋乘搭Maple Liner循環巴士，10分鐘後喺宮島水族館前落車即抵達
宮島水族館紀念品店
宮島水族館有一個大型嘅紀念品商店，有各種各樣嘅產品，從毛公仔、零食到文具都有。
仲有水族館限定嘅原創商品。仲唔快啲揀返幾樣禮物送俾自己同親朋好友作紀念啦！
Comments