如果你有住過日本嘅酒店，你好可能已經發現咗上圖嘅機器，到底係啲乜嚟嘅呢？有啲似冷氣或者暖氣，但無裝設螺旋葉片肯定唔係風扇。
睇真啲，部機器有好幾個掣。當你走入房間，就會自動熄滅。咁神奇到底係啲乜嚟架？答案就係空氣清新機---一個日本家居或酒店必備嘅日常家電用品。
呢個小能手安安靜靜咁幫手淨化空中漂浮嘅塵埃，過敏原同其他污染物。就等我哋探究吓佢身上嘅掣到底都有啲乜嘢功能啦。
最重要嘅開閂掣
圖上所示嘅清新機，呢3個掣都可以開始機器運作：
- 空気清浄 入 (空氣清新機 開始)
- [加湿]空気清浄 入 (空氣清新機 開始[附加濕功能])
- シャワー入 15分間強め (15分鐘強烈淨化)
如果你需要喺短時間內淨化房間嘅空氣，15分鐘強烈淨化對你嚟講可以話係特別方便。
通風程度
風量切換 (風量轉換)
通風程度有5種選擇俾你揀選
- 静音 (靜音)
- 中 (中等)
- 強 (強烈)
- 自動 (自動)
- 花粉 (花粉)
一般嚟講，空氣清新機設置為自動模式，根據空氣粒子嘅改變而自動改變強度。尤其喺3月，4月嘅季節性過敏季節，調校花粉程度就最適合不過。
納米離子圖標
納米離子圖標隔離嘅綠光表示開啟咗功能，噤‘入／切’ (開/關)開啟或關閉納米離子功能。
過濾指標
空氣清新機上面會顯示更換濾網嘅訊號。如果需要更換濾網，訊號會發出紅燈。圖標嘅意思如下：フィルターお手入れ (濾網更換) リセット 3秒押し (長按3秒重新設置)。
其他嘅掣
空氣清新機上面嘅藍光可以調光暗。有モニター[明／暗／切] （熒光屏 光/暗/關）揀選。
仲有個兒童安全鎖: チャイルドロック 3秒押し(兒童安全鎖 長按3秒鐘)
最後，想熄部空氣清新機嗰陣噤停止 (停止)。
空氣清新機仲可以測量房間異味，房間嘅塵埃同濕度。綠燈表示房間嘅味道同塵埃都屬於中等程度。燈光轉橙色/黃色嘅話即係代表有異味或者係空中有過多塵埃。而呢D氣味可以係煙味或者係廚房油煙味。以下為各指標所示：
- ニオイ (異味)
- ハウスダスト (房間嘅塵埃)
- 現在湿度（目安）(現在濕度（大概）)
- 吸水 (Water supply)
如果你對房間嘅氣味，灰塵，同濕度特別敏感嘅話，有咗一部空氣清新機嘅話就可以令到你嘅生活舒適程度大大提高---尤其係當你忙完一日返到嚟想好好休息一陣嗰陣。空氣清新機可以長時間放置，唔洗定時熄咗佢。下次嚟日本旅行如果你發現房間有呢個小能手嘅話，唔好猶疑快D開嚟嘆吓啦！
Comments