被譽為日本最美麗嘅地方之一嘅「鞆之浦」位於廣島縣福山市南端嘅一個海港小鎮。呢個小鎮有1000幾年嘅歷史，係瀨戶內海貿易嘅重要港口城市，有好多重要嘅日本政要會議都喺呢個城鎮舉行。直到1900年代，如果有韓國官員嚟到日本，佢哋都被安排下榻於「鞆之浦」，因為日本人相信小鎮嘅美景可以令日韓雙方進入一個更好嘅談判狀態。另外， 呢個小鎮亦都係電影《金鋼狼：武士之戰》嘅取景地。
鞆之浦旅遊指南
喺呢座海港小鎮嘅黃金時期，好多帆船同貿易商船都會停留喺呢度，同時等待最佳嘅潮汐再度出發。因此呢度充滿咗航海員嘅娛樂活動以及釀酒業。鞆之浦嘅名產之一「保命酒」，係一種藥用版燒酎，萃取16種唔同類型嘅傳統草藥釀造而成，據聞可以延長壽命。
當漫步於老城區中心，可以睇到鄉村風格嘅老房子嘅木造外觀，喺海灣區可以睇到港口小鎮過去輝煌歲月所留下嘅痕跡。今次就等小編帶你遊覽呢度嘅著名景點啦。
常夜燈燈塔
呢個係一座建於江戶時代（1603-1867）嘅燈塔，亦係小鎮嘅地標。燈塔矗立於此，俯瞰市中心以南嘅海濱。
太田家住宅
作為江戶時代釀酒廠嘅「太田家住宅」完整保存落嚟至今。於17世紀晚期，鞆之浦嘅名物—保命酒嘅釀酒場所，由一個家族所擁有。從1710年到明治時期，呢個家族壟斷咗成個保命酒嘅生產，累積咗好多財富。太田家宅邸擁有多個榻榻米房間、茶室，最重要嘅係保命酒酒窖。不幸嘅係，喺釀酒生意下跌之後，太田家宅邸被賣咗。今日成為咗一個開放俾公眾參觀嘅博物館。
伊呂波丸號沈船事件展示館
呢個係喺江戶時代建造嘅港口倉庫，鄰近常夜燈燈塔一區，係充滿現代化嘅港口設施。進入呢個傳統嘅倉庫建築，仿佛回到過去。「伊呂波丸號」係一艘1867年沈沒嘅商船，因當時載住「坂本龍馬」(日本幕府末年嘅志士)而聲名大噪。館內展示出船上文物、部分殘骸同坂本龍馬嘅物品。甚至有一個立體模型呈現當時嘅船係如何沉沒嘅。
如何前往鞆之浦
從福山站乘搭巴士(每20分鐘一班)前往鞆之浦最方便嘅方法，呢度嘅英文指示少，但可以喺車站出口前嘅5號巴士站搵到前往鞆之浦嘅巴士。從福山站到達鞆之浦大約需時30分鐘。可以喺遊覽鞆之浦小鎮之前，到車站旅遊服務中心索取地圖並了解一啲當地旅遊資訊。
Comments