姬路城係兵庫縣嘅熱門旅遊景點。入住於姬路嘅酒店，前往姬路城旅遊非常方便。姬路嘅酒店有好多類型，例如，適合一人住宿旅行、或者家庭住宿嘅酒店。
姬路觀光推薦嘅酒店
係姬路市，有好多方便前往觀光景點嘅酒店，例如位於姬路城嘅步行距離內，或者係鄰近車站嘅飯店。此外，如果你帶小朋友旅行，有某部份酒店可以俾你免費帶小朋友入住，但僅適用於小學生以下。其中有某些酒店仲可以提供免費早餐和其他免費服務。建議你係酒店內好好放鬆休息，享受溫泉，消除旅行嘅疲憊。可以根據你嘅旅行風格去選擇住宿。
位於車站對面嘅「姬路日航酒店 (Hotel Nikko Himeji)」
「姬路日航酒店」到姬路城步行約25分鐘。客房係簡約舒適嘅西式客房，可以根據客人要求為你準備適合嘅房型。有各種類型嘅客房，包括適合老年人嘅日式客房，或適合攜帶小孩嘅家庭式客房。透過房內嘅窗戶，可以欣賞姬路風景。酒店內有唔少餐廳，可以享用到多種菜色嘅自助式buffet、日式餐廳或中式餐廳，當然可以品嚐到當地食材和美食啦。此外，仲可以使用酒店內嘅健身房、游泳池、桑拿等設備，度過充實悠閒時光。
酒店資訊
- 名稱: 姬路日航酒店 (Hotel Nikko Himeji)
- 地址: 兵庫縣姬路市南站前町100番
- 交通方式: JR姬路站步行1分鐘
溫泉設施完善「姬路城格蘭德里奧酒店 (Himeji Castle Grandvrio Hotel)」
「姬路城格蘭德里奧酒店」有西式單人房和雙床客房，日式房最多可容納5人。酒店有一間日式餐廳，可以品嚐懷石料理和創作料理，享受良好氛圍。酒店亦有供應日式和西式自助早餐。可以係咖啡廳風格嘅餐廳，輕輕鬆鬆享用日式或義式午餐。酒店亦有完善嘅溫泉設施。可以享受5種大小型浴池和桑拿。泡泡溫泉，放鬆身心消除疲勞。
酒店資訊
- 名稱: 姬路城格蘭德里奧酒店 (Himeji Castle Grandvrio Hotel)
- 地址: 兵庫縣姫路市三左衛門堀西の町210番地
- 交通方式: JR姬路站步行7分鐘
Comments