從愛媛縣到廣島縣~島波海道單車之旅

島波海道係穿越瀨戶內海嘅一條著名高速道路，亦都係眾所周知嘅日本最佳長途單車路線之一。連接日本本州廣島縣與四國愛媛縣今治市之間，橫跨瀨戶內海上嘅六座島嶼、九座橋，全長約70公里。可以享受島嶼同瀨戶內海嘅絕美景色。

島波海道（西瀨戶自動車道）

島波海道，亦稱為西瀨戶自動車道，係一條連接廣島縣尾道同愛媛縣今治嘅道路。呢條總長近70公里嘅高速道路穿越瀨戶內海，連接6座擁有橋樑嘅島嶼。到底點解呢條高速道路咁受歡迎呢？其實係因為呢度嘅風景非常優美，而且仲可以喺上面騎單車。

島波海道有日本最好嘅長程單車路線之稱。單車道總長度為70公里，其中包括連接島嶼之間嘅橋樑之入口坡道。經由設計好嘅緩坡道進入單車道，雖然距離較遠，但可以輕鬆騎單車到橋上，同時欣賞周圍嘅風景。

無論從尾道定係今治出發，都可以喺島波海道沿途搵到好多單車出租處。最實惠嘅方式係從島波海道單車租借站租車，成人每日1000円。

除咗租金便宜，沿途租借站都好多，方便租借及歸還。租車需要付1000円押金，但只有喺同一個租借站還車先至可以退還押金。

呢個係一項非競爭性嘅國際單車賽事，大約7000名嘅參與者，將能夠喺平時只限汽車，電單車等通行嘅道路上騎單車。有好多條路線可以揀選，其中最長嘅係C路線：島波海道140公里，從今治騎到尾道，再回到今治。最短嘅路線係G路線：大島30公里，從今治到大島，再回到今治。

如果唔鐘意踩單車，或者擔心自己可能唔適合長途騎行，可以乘搭橫越島波海道嘅巴士。從廣島縣尾道到愛媛縣今治嘅直通巴士，車程1.5小時，費用為2250円，但巴士每3個鐘先至嚟一班。如果想從尾道前往今治，或者反之亦然，可以乘搭班次較頻繁嘅當地/高速公路巴士，但需要轉乘。

如果仲想體驗一下踩單車，可以只騎行部分路線，任何一個島波海道單車租借站都可以歸還（僅適用於從島波海道單車租借站租用嘅車），然後乘坐當地/高速公路巴士返回尾道或今治。但係要做好路線規劃並事先查看巴士時間表。