廣島手信5選

嚟到廣島，唔知買邊樣做紀念品好？唔使擔心，今次就要為大家介紹一啲廣島特有嘅手信。從美味嘅食物到傳統嘅手工藝品，你肯定可以發現到好嘢！

廣島手信推薦

「紅葉饅頭」唔單止係廣島縣最受歡迎嘅手信之一，對於鐘意有餡甜品嘅人嚟講都係熱門商品。傳統上，呢個小小楓葉形狀嘅蛋糕入面包咗紅豆沙，但都有其他種類嘅內餡，例如係朱古力忌廉、芝士、吉士等。

小編特別推薦「Fujiiya (藤い屋)」嘅紅葉饅頭。可以喺百貨公司、廣島車站或廣島機場等購入。

一種新嘅特色生菓子，nama momiji類似紅葉饅頭，但佢無經過烤焗，而係直接由糯米同一般米粉製成，具有耐嚼嘅口感。有紅豆、抹茶同柚子三種口味嘅內餡。

可以喺廣島和菓子專門店－Nishikido(にしき堂)搵到。另外，同樣可以喺百貨公司、廣島車站或廣島機場等購入。

如果你屋企人或朋友講究化妝，佢哋可能會鐘意熊野筆化妝刷具。呢啲高品質嘅刷具由工匠親自製作、採用高品質嘅動物毛髮，受到全世界嘅歡迎。

可以喺ASSE (廣島車站)、廣島機場、廣島巴士中心AQUA商城購入。

如果對傳統手工藝品感興趣，可以考慮宮島細工。種類繁多，令人目不暇給，有雕刻嘅托盤、黏土燒製嘅土製鈴鐺、木鏟、筷子，甚至迷你神社鳥居！最出名嘅係飯勺，係喺當地用嚟祈求好運嘅吉祥物。

可以喺宮島傳統產業會館購入。

想買啲紀念品俾細路仔？不如考慮「劍玉」啦！呢項傳統嘅日本玩具氛圍3個部分、1個帶尖端嘅器具、1條繩，以及用繩連接到器具嘅球所組成。唔止係小朋友，連大人都會越玩越覺得有趣！

可以喺Kendama Shop yume.購入。

如果唔擔心帶玻璃器皿返去，咁可以購買一啲太田川嘅玻璃工藝品。呢種玻璃以流經廣島嘅太田川之沙嘅成分所製作，含鐵量豐富，呈現柔和嘅黃綠色。

可以喺玻璃之里(ガラスの里)購入。

※該店鋪已於2018年12月23日閉店。