廣島除咗係一座歷史悠久嘅城市之外，仲可以提供大家美好嘅購物體驗。從大型購物設施到商店街應有盡有，要揀選一份得體嘅當地特色手信，例如係著名嘅糖果，或係國際品牌都可以滿足到你嘅需求。
廣島嘅購物中心
廣島PARCO
「廣島PARCO」係日本最著名嘅時裝購物百貨之一，位於市中心。入面充滿咗針對年輕人販售嘅服裝店。
廣島PARCO入面有最新流行嘅女士、男士、化妝品、雜貨，運動器材嘅店鋪。另外仲有Muji無印良品同Tower Records唱片行。甚至有甜品食到飽嘅餐廳，你話正唔正吖嗱！
店鋪資訊
- 名稱: 廣島PARCO
- 地址: 廣島縣廣島市中區本通10-1
- 交通方式: 八丁堀巴士站落車步行4分鐘
紙屋町Shareo(地下街)
廣島第一間地下型商店街，有80幾間商店，販售零食點心、服裝同其他用品，主要針對年輕女性。非常適合女性為自己揀選商品。
從廣島和平紀念公園步行即可到達，可以喺購物之前或之後順便參觀公園。
店鋪資訊
- 名稱: 紙屋町Shareo(地下街)
- 地址: 廣島市中區基町地下街100號
- 交通方式: 廣島電鐵「紙屋町西路面電車站」「紙屋町東路面電車站」「本通路面電車站」/阿斯特拉姆線「縣廳前站」「本通站」
廣島車站ASSE百貨
呢個係一個同JR廣島站直接相連嘅購物中心，非常適合時間有限嘅旅客。擁有140間商店同餐廳，可以喺呢度搵到所需嘅一切，特別係免稅商品。
唔好忘記一啲熱門商品，例如廣島土產－紅葉饅頭，或者係優質嘅化妝刷具品牌『熊野Kumano Fude』！如果想品嚐當地美食，就去廣島燒專賣店啦。
店鋪資訊
- 名稱: 廣島車站ASSE百貨
- 地址: 廣島縣南區松原町2-37
- 交通方式: 直通JR廣島車站
Outlet「廣島Marina Hop」
廣島嘅第一間Outlet「廣島Marina Hop」位於瀨戶內海附近，可以喺呢度購物、用餐同玩樂成日。除咗商店，仲有一間名為Marina Circus嘅主題公園，入面有一個巨大嘅摩天輪，可以話係家庭出遊嘅絕佳去處。
如果想參觀世界遺產－宮島，可以從呢度乘坐渡輪（2,000円往返）到島上。
店鋪資訊
- 名稱: 廣島Marina Hop
- 地址: 廣島縣廣島市西區觀音新町4-14-35
- 交通方式: 觀音Marina Hop巴士站 落車步行3分鐘
廣島嘅商店街
知名嘅「廣島本通商店街」
廣島本通商店街係一個位於廣島市中心區嘅購物街，係日本中國地方最大最繁忙嘅商場。充滿各種商店，販售一般商品、服裝、本地產品，甚至藥品。
呢度出售嘅衣服從物美價廉嘅促銷商品到高檔都有。大多數商店都販售最新款式，一於嚟尋一下寶！
當肚餓嗰陣，仲可以去Café、麵包店或者係餐廳食啲嘢。
店鋪資訊
- 名稱: 廣島本通商店街
- 地址: 廣島縣廣島市中區
- 交通方式: 位於廣島電鐵八丁堀同紙屋町二站之間
廣島商店街上嘅日式手巾專門店
日式傳統手巾「tenugui」。以日本圖案為主嘅各種設計，手巾可以作為靚靚裝飾物，又可以用嚟包裝。
喺「廣島本通商店街」上，有一間名為Matsunaga嘅商店，專門賣各種傳統嘅日本服裝同配飾。無錯，佢哋最暢銷嘅產品之一當然就係tenugui。如果想購買一啲高品質嘅tenugui，請唔好錯過呢間店啦！
Comments