【日本關東】夏季旅遊必去！埼玉川越冰川神社的美麗結緣風鈴

冰川神社喺日本全國有好多分社。總社「武藏一宮冰川神社」位於埼玉縣大宮。淨係埼玉縣就已經有大約200個冰川神社，喺埼玉縣眾多嘅冰川神社中，「川越冰川神社」喺外國旅客中特別受到歡迎。夏天會舉辦「緣結風鈴祭」活動，吸引咗非常多遊客前往神社參拜。

關於埼玉縣嘅川越冰川神社

埼玉縣川越冰川神社歷史悠久，至今已有1500年歷史。神社本殿裝飾著緻密嘅雕刻，被指定為埼玉縣嘅重要文化財產。川越冰川神社內供奉嘅係五柱之神。呢啲神明互相有家族關係，其中有兩對夫婦神明，因此冰川神社亦係祈求緣分、「夫婦圓滿」嘅地方。

川越冰川神社，於每年7月頭至9月頭，舉辦以風鈴為主題嘅夏天風物詩（即係能象徵某季節嘅事物）ー「結緣風鈴祭」活動。風鈴祭所使用嘅圓形玻璃風鈴，稱為「江戶風鈴」，沿用江戶時代流傳下來嘅工法，將碎玻璃以高溫熔化，再用吹竿「吹」出形狀，最後喺風鈴上用唔同顏色彩繪各式各樣嘅圖案。

由傳聞而得知嘅事喺日文叫做「風の便り」。自古以來，「風」就被認為係傳遞人們思想嘅媒介。川越冰川神社，為咗將人們嘅願望傳遞俾「日本月下老人」結緣神，開始有將願望嘅紙條掛喺風鈴上嘅活動。

漫步於掛滿斑斕絢麗風鈴嘅迴廊之下，同周圍鬱鬱蔥蔥嘅楓樹林形成美麗嘅對比。風鈴迴廊開放時間為朝早8點到放晚9點，而夜晚會點燈照亮。

於川越冰川神社，傳說河流入面住咗神明。喺「結緣風鈴祭」期間，神社境內嘅小河會喺夜晚7點至9點點燈。

於JR東武東上線「川越站」或西武新宿線「本川越站」乘搭巴士前往冰川神社。如果乘搭小江戶巡回巴士，於「冰川神社前」落車即可到達。