2018年已經接近尾聲，屬於戀人嘅浪漫聖誕節即將到來。對於女仔嚟講，聖誕節就係一個充滿浪漫氣氛嘅節日。一諗到聖誕節嘅蛋糕、諗起男朋友嘅聖誕驚喜就更加滿懷期待。
仲未脫單嘅女仔，唔想聖誕節再睇情侶曬恩愛？亦厭倦被親戚催婚催嫁人？唔好咁快心灰意冷，小編為你安排呢篇脫單攻略，希望令每位喺異鄉獨自打拚緊嘅女仔，都可以喺聖誕節前夕搵到心上人～
凈係用一個眼神就可以秒殺？勾魂媚眼電力十足
放眼望過去，嗰啲望一眼就令人怦然心動嘅女仔，都有一雙充滿魅力嘅雙眸。而且睫毛卷翹充滿靈性，令人一見就墮入愛河，心花蕩漾。特別係嗰一副羽扇般纖長濃密嘅睫毛眨吓眨吓咁，真係精靈又可愛。
而卷翹效果嘅睫毛會令妳變得好似公仔咁精緻可愛，自帶大眼美瞳效果。自然卷翹，根根分明嘅睫毛係同心上人四目交投時，令佢移唔開眼嘅必備法寶。再配搭清新自然嘅淡妝，日系雙辮馬尾，裸妝少女嘅俏皮感隔住螢幕都可以感受得到呀。
但係，亞洲女仔天生睫毛就不如歐美人咁濃密，睫毛稀疏嘅人更加係屢見不鮮。塗上睫毛液唔使半日就要脫妝暈妝，甚至喺卸妝嗰陣仲會整甩幾條原生睫毛（唉！真係好心痛！）。
拯救睫毛稀疏嘅人有2個重點
① 睫毛唔單止追求長度，卷翹度一樣都好重要。
好多女仔喺每次夾完睫毛塗完睫毛液，長度變長咗，但唔使半日睫毛就開始下垂，咪埋隻眼嗰陣睫毛觸碰到卧蠶就開始暈妝。
咁係因為睫毛卷度唔夠。無論係用美妝Bloc推薦幾好用幾貴嘅睫毛夾，如果係凍冰冰，就好難令睫毛維持卷翹嘅效果。想自己夾出卷翹嘅弧度，用風筒先將睫毛夾加熱，之後夾出嚟嘅睫毛唔只翹仲好持久添。
② 接睫毛，慳時慳力，變身做睫毛精靈。
日日畫眼妝仲要貼假眼睫毛真係超級麻煩，成日拉扯仲會搞到眼皮鬆晒。咁樣嘅話不如植眼睫毛啦！近幾年越來越勁嘅日式植眼睫毛可以根據自己鐘意嘅造型，俾美睫師幫你配搭自然氣質款、卷翹Barbie(芭比)款、眼尾嫵媚款等等唔同嘅效果。
對於第一次植眼睫毛嘅女仔，可以揀比較自然嘅款式，喺長度方面，可以選擇上圖呢種前短後長嘅自然植眼睫毛款，睇落去會自然好多，同自己嘅眼睛配合得毫無違和感。
植眼睫毛後，連睫毛根部已經變得更加濃密，畫眼線時只需要喺眼尾勾一筆，就可以達到拉長眼睛嘅效果，卸妝嗰陣會更加輕鬆。
植眼睫毛邊間最勁？相信試過嘅女仔都知道日本嘅植眼睫毛技術係世界一流嘅。
今日就為大家介紹位於東京港區高級住宅區‧白金台嘅日本植眼睫毛Salon沙龍。
total beauty salon SUN
total beauty salon SUN係一間提供美容美髮同美睫美甲嘅綜合性高檔小眾Salon。
私人庭園咁嘅Salon風格，精緻且別具格調，聘請嘅更係日本美睫業界高水準嘅美睫師。植眼睫毛嘅手法高超、經驗豐富，更難得嘅係美睫師擁有時髦前衛嘅審美觀，去到total beauty salon SUN絕對可以為你打造一款屬於你嘅迷人雙眸。
其他美睫作品
推薦植眼睫毛方案
植上睫毛：11,000円～15,000円
1～60根：11,000円
61～100根：13,000円
101根以上：15,000円
植下睫毛：3,000円～4,000円
1～30根：3,000円
31根以上：4,000円
燙睫毛：3,000円～4,000円
燙下睫毛：3,000円
燙上睫毛：4,000円
店鋪資訊
- 店鋪名稱：total beauty salon SUN
- 地址：東京都港區白金台5-5-16 白金台櫻苑大廈105
- 營業時間：11：00～20：00
- 休息日：星期一
- 預約請click呢度
click下方圖片可搜尋更多店鋪
©Beauty Park 玩美花園
Comments