「竹田城跡」位於兵庫縣北部朝來市，春天櫻花朵朵、初夏翠綠葱葱、秋風起時楓葉轉紅、雲海飄渺、冬天則白雪紛飛，四季美景風情萬色，可以話係人間絕景，更有唔少電影及戲劇等作品都曾經在此取景，人氣非常！竹田城飄浮於雲海之上嘅景色更有「天空之城」之稱，每每吸引唔少觀光客到訪，就係為咗親眼目睹宛若「天空之城」嘅夢幻景色。
關於竹田城跡
歷史與構造
「竹田城跡」係一座建於海拔353.7米古城山山頂之上嘅山城，整體望上去就好似一隻俯臥於地上嘅老虎，因為此城另有「虎臥城」別名。古城以天守台、本丸為中心，朝三個方位放射狀配置守護城堡要塞嘅土石圍牆，其規模闊約100米、長約400米，而石牆亦係環顧全國數一數二保存得完整！現時各位所見到嘅石牆，就係由最後一任城主將當時包圍城堡嘅土牆改建而成。
「天空之城」美譽
竹田城附近一帶秋高氣爽，當天氣晴朗之時朝早經常都會起濃霧。當早晨濃霧團團將竹田城跡圍住時，情景就有如城堡飄浮於雲海之中，因此又被名為「天空之城」。竹田城跡對面嘅朝來山山腰設有一個眺望點「立雲峽」，供遊客眺望整個竹田城跡姿態，十分推薦畀大家打卡留倩影。
交通方式
距離竹田城跡最近嘅車站係「竹田站」，由竹田站徒步或搭巴士、的士即可抵達。想徒步出發嘅話，有三條登山路線可供選擇，其中比較容易行嘅路線係「驛裏登山道」，需花費30～40分鐘。天氣晴朗時，一邊享受森林浴，慢慢行上山，感覺格外清爽舒服。惟觀景最佳季節嘅早上路途昏暗、氣溫寒冷，因此最好準備好手電筒，做足保暖措施，建議著定對好行好走嘅登山鞋。另外，搭巴士、的士嘅話更可以直達附近停車場，由停車場行到竹田城跡大約20分鐘。前往立雲峽眺望點嘅交通方式如下：由竹田站步行約45分鐘；搭的士約10分鐘。
景點資訊
- 景點名稱：竹田城跡
- 地址：兵庫縣朝來市和田山町古城山169番地
- 交通方式： JR播但線「竹田站」落車，步行登山路線約30～40分鐘
冬季嘅竹田城跡
冬季（12月1日至1月3日）期間開放時間為早上10點至下午2點（登城最後截止時間為下午1點），屆時開山條件會有所限制。想要登上竹田城跡，只可以經由「山城之鄉登山道」。乘搭的士或包車（小巴）於竹田城跡山腰嘅的士上落車處落車，再徒步前往。但係大家必須注意，冬季時期接駁車並唔會提供載客服務。另外，當氣象警報發佈時或城跡內、登山道道路積雪、結冰等官方單位會判斷登城可能會有危險時，亦將不開放入城。新年元旦當日會特別延長參觀時間。
目睹夢幻「天空之城」所需條件
想要望到晨霧包圍竹田城跡所需條件如下，完全講求天時、地利、人和！運氣好嘅話，您就有機會親眼目睹世上罕見夢幻嘅絕美景色喇～
- 9月至11月之間清晨至早上8點前
- 濕度高，產生足夠輻射冷卻效應
- 天氣晴朗
- 前日白天氣溫與當日早上氣溫溫差極大時
- 風力不強時
Comments