日本而家使用嘅年號「平成」將於2019改新元號。而日本SHISEIDO資生堂就活用長年研究流行成果，以美容視角切換，喺一名模特呈現平成30年間女性耀眼姿態嘅變遷。
平成元年～5年（1989～1993年）＜昭和風華猶存嘅泡沫奢華＞
喺泡沫經濟達到鼎盛時期嘅平成元年，日本女性展現強勢風格。
呢個時期嘅妝容特徵係以大紅色、略為青澀嘅玫瑰紅等等鮮明色系嘅口紅。除咗口紅，全體呈現自然妝感，眼妝利用玫瑰淡粉同淡紫色系勾勒出女人味印象嘅妝感。
髮型方面以「無層次剪法（One-Length）」長髮為主流。亦流行電細捲長髮以及長直髮造型。另外將瀏海立起來蓬鬆嘅「半屏山頭」以及微微放下嘅「空氣瀏海」都可以話係象徵呢個時代。
平成6～10年（1994～1998年）＜啡色頭髪・細眉・小臉以及辣妹文化＞
泡沫經濟崩壞，進入長期蕭條時期，平價實惠嘅商品大受歡迎。另外，電腦同手機亦都開始普及，所獲取嘅資訊量顯著增加。
厚底靴以及迷你裙等等、「辣妹文化」興起。流行啡色頭髪，細眉，小臉妝容。另外，珍珠色眼影，米色或啡色系口紅為潮流之一。流行近未來風格嘅彩妝。
髮型方面，帶層次感剪髮或髪尾剪薄為主流。年輕女性染髮率高達90%以上。
平成11～15年（1999～2003年）＜小麥色肌膚・大眼娃娃妝・辣妹風格＞
喺呢個時期，流行辣妹風格，優雅風格，原宿風格等等風格潮流開始分門別類。最令人印象深刻嘅係莫過於以澀谷等地區為中心發展出獨特風格嘅「辣妹文化」。色彩繽紛嘅服飾，花花頭飾以及有個性嘅妝容，打造出新穎奇特嘅時尚潮流。
最大嘅特色為曬成小麥色嘅肌膚。除咗實際上真係去曬太陽嘅人，仲有一部分人係塗上咗濃色粉底。上眼線同下眼線都塗滿，配上淺色眉毛，強調雙眼魅力。
髮型方面，以明亮高調嘅金黃色、灰色或漂成白色，而染髮嘅人更加係大幅增加。
平成16年～20年（2004～2008年）<女子力高漲嘅深邃大眼>
喺經濟不斷惡化嘅狀況下，感到不安嘅女性，對婚姻憧憬急增。婚友社活動大熱，女性想變得更受歡迎嘅諗法越來越強烈。充滿浪漫女人味嘅服飾深受女性喜愛，設計上多採用皺邊或蕾絲。
自然卻又不失莊重，呈現女性特有魅力嘅「深邃大眼」非常流行。畫好上下眼線、眼睫毛塗上多層睫毛膏、再戴上假睫毛，為求打造明亮深邃嘅雙眼，唇妝除咗口紅，仲會塗上唇蜜，令雙唇睇落去豐潤可口，更添誘人魅力。另外，為咗強調雙眼，仲會戴大眼睛或嫁接睫毛等等，大家十分熱衷於美顏美容。
喺髮妝方面亦趨向呈現出濃密感，接髮或燙捲，打造浪漫捲髮嘅輪廓都具有相當人氣。
平成21年～25年（2009～2013年）＜淡雅療癒系嘅成熟可愛＞
2011年經歷東日本大地震，日本社會整體價值觀同消費意識起咗變化。女性亦開始會問自己對自己嚟講乜係必需品。消費傾向越來越偏向追求自我嘅風格。
流行方面變得自然自在，追求療癒風格。妝容亦傾向自然輕透。用珍珠色眼影打亮下眼袋同將腮紅畫喺笑肌上方，彷彿美人出浴時潤紅臉色。
喺髮型方面則係柔軟蓬鬆嘅捲髮、將髮尾往內捲打造空氣感嘅自然造型為主流。
平成26年～現在（2014～2018年）＜復古流行再次興起＞
造訪日本嘅觀光客增加，期待經濟好轉嘅平成末期，高腰同將針織外套披喺肩上，隨意喺胸前打個結，日本稱為「製作人穿法（プロデューサー巻き）」，仲有布鞋等等，好多 80、90年代嘅流行陸續捲土重來。
妝容上呈現淑女風，明亮顏色嘅短粗眉為一大特色。唇妝則係艷麗玫瑰紅、鮮明髮紅等等，亮麗鮮豔嘅口紅深受歡迎。
鮑伯頭髮型相當具有人氣。「大旁分瀏海」同輕盈嘅「空氣瀏海」都係熱門髮型。
今後日本美妝髮妝流行趨勢…＜轉咗一圈又回到近未來感＞
未來多元多樣價值觀之下，代表時代潮流嘅時尚風格，不再拘限於以往單一模式，喺資訊量爆炸嘅年代，每個人開始識得取捨選擇，搵到最適合自己嘅風格。
美妝髮妝嘅世界將會更針對每個人嘅特性提出唔同建議同服務，打造個人獨特風格。話唔定90年代後半所流行嘅近未來感風格，將會以新風貌再次引領潮流。
Comments