宮島(官方正式名稱為嚴島)被稱為日本三大景觀之一，以擁有海上鳥居嘅嚴島神社而聞名。宮島離廣島市中心不遠，只係1個鐘嘅車程，乘坐大眾交通工具非常方便。宮島有美麗嘅景色，喺呢個地區其中一間日式旅館過夜，絕對會係一次令人難忘嘅體驗。
宮島嚴島神社海上鳥居
宮島最著名嘅地標係嚴島神社嘅海上鳥居。鳥居實際上並無漂浮喺水面上，而係建於水面上。潮潮期間，水位上升令到鳥居睇落去好似漂浮喺海面上。呢個絕對係一個獨特嘅景點。喺退潮期間，可以步行到鳥居。
建築喺海上嘅嚴島神社ー日本重要文化財
宮島可以簡稱為「神社島」。呢個島上最主要嘅神社為嚴島神社，有著名嘅海上鳥居。神社建築群亦建築喺水上，隨著潮汐若隱若現。嚴島神社被列為聯合國嘅世界文化遺產，日本政府亦將其中嘅一啲建築同財產指定為國家重要文化財。
相關資訊
- 名稱: 嚴島神社
- 地址: 廣島縣廿日市市宮島町1−1
- 開放時間:
- 秋冬季 6:30～17:30 (1/6～2/28、10/15～11/30)
- 春夏秋季 6:30～18:00 (3/1～10/14)
- 冬季 6:30～17:00 (12/1～12/31) （1/1～1/5依實際狀況而定）
- 門票:
- 參拜免費、部分收費
- 嚴島神社（昇殿）：成人300円，高中生200円，初中生・小學生100円
- 寶物館：成人300円，高中生200円，初中・小學生100円
- 交通方式: 從JR宮島口站步行5分鐘至渡輪口，乘搭渡輪10分鐘至宮島碼頭後，步行15分鐘
優美大自然環境下成長的野生動物
除咗莊嚴嘅海上島居同嚴島神社之外，喺一個擁有豐富大自然環境資源下嘅宮島，仲有唔少野生小動物喺島上行。喺宮島，約有500隻日本鹿喺島上棲息，而當中更有200隻會走到街上！所以遊客去到宮島行行吓街都可以睇到鹿。如果你好彩，仲可以見到狸貓添！
於宮島嘅旅館
作為最著名嘅神社島，呢個地方喺晚上會變得非常安靜。鳥居夜晚會點燈，如果喺宮島嘅日式旅館過夜，將會係一次美好嘅體驗。
推薦以下宮島之旅嘅日式旅館：
岩惣 (IWASO)
- 地址: 廣島縣廿日市市宮島町紅葉谷
- 交通方式: 從宮島口棧橋步行15分鐘
錦水館
- 地址: 廣島縣廿日市市宮島町1133
- 交通方式: 從宮島口棧橋往嚴島神社方向步行５分鐘；如需要酒店接駁車，請於抵達宮島口棧橋後同酒店聯絡
もみぢ荘 (Momijiso)
- 地址: 廣島縣廿日市市宮島町紅葉谷公園内
- 交通方式: 從宮島口棧橋步行15分鐘
從廣島前往宮島
從廣島市到宮島有兩種主要方法。無論邊種方式，前往宮島都係去「宮島口」站，位於宮島對面嘅岸邊。
從廣島車站出發
如果從廣島站出發，最快嘅方式為乘搭JR山陽線前往「宮島口」站。JR乘車費用約為410円，車程約27分鐘。如果你住喺廣島站附近，或者啱啱乘搭新幹線抵達廣島站，呢度絕對係最佳選擇。
從廣島市中心出發
如果你住宿地點位於廣島市中心，如果想直接前往宮島口站，從紙屋町西站乘搭廣島電鐵會比較方便。乘車費用比JR平，但車程較長。約280円，車程約56分鐘。
另外，如果唔介意多花一點錢，可以從縣廳前站乘搭廣島新交通1號線向北行駛，並喺新白島站轉乘JR山陽線，總共花費約510円，車程較短，總共約36分鐘。
乘搭渡輪前往宮島
宮島口係進入宮島嘅門戶，距離附近嘅JR同廣島電鐵站僅係4分鐘步行路程。從宮島口乘坐渡輪，10分鐘即可抵達宮島渡輪碼頭。成人單程票價為180円。如果另外付費，仲可以攜帶單車甚至汽車登上渡輪。
Comments