好想瞓落白雪雪POOH仔個肚腩度吖！
迪士尼嘅誘惑真係一浪接一浪想停也停不了啊～今次日本迪士尼商店又推出超療癒嘅冬季新商品啦，係雪白色嘅小熊維尼啊(POOH POOH!)～白雪雪軟腍腍個樣令人好想將佢「搓來又搓去」，而且仔細一睇佢嘅臉豬仔上面仲有有淡淡嘅胭脂(OH!MYGOD!),POOH仔真係太CUTE冧死人啦♡ ♡ ♡
首先去睇睇暖身又暖心嘅連帽外套，唔只帽簷有舒適嘅軟毛，仲有維尼熊耳朵！著完之後即刻變身維尼熊喔！背後亦有設計維尼拎著氣球嘅經典畫面，回憶返晒嚟啦！
趴係度嘅白雪雪維尼紙巾盒(也太誘人了吧!)，炯炯有神嘅雙眼情深款款望著你，要被融化啦啦啦～仲有圓碌碌嘅屁屁，感覺就超腍好舒服咁喔！
另外仲有長帶細袋仔和背囊仔，將維尼背揹係身上周街走！揹住佢去迪士尼玩或者同你過聖誕就啱晒啦！
最後梗係唔少得基本款嘅吊飾、公仔！公仔有兩種SIZES，可以揀個攬得舒服嘅SIZES同白雪雪POOH仔嚟個熱情擁抱吧♡雖然一身白雪雪睇唔清，佢地都著住勁得意帽T吖！
每一款嘅白雪雪維尼目前都已經可以係日本迪士尼商店入手啦！POOH仔迷嘅朋友仔不妨去東京遊時尋找一下白雪POOH啦！記得要小心啲唔好變成灰熊吖…。XDD
Source:ディズニーストア
© 妞新聞 www.niusnews.com
Comments