得返一個月都無就到聖誕節喇。大家有無計劃去邊度感受歡樂氣氛呢？東京迪士尼度假區®共計48日嘅聖誕節特別活動「迪士尼聖誕節」，已經喺11月8號(四)起登場，東京迪士尼樂園®同東京迪士尼海洋®處處都可以感受濃濃嘅過節氣氛，除咗享受遊樂設施之外，不妨睜大雙眼睇吓園區內令人意想不到嘅裝飾啦。跟著FUN!JAPAN團隊一齊嚟睇吓兩個園區今年嘅聖誕裝飾先啦！！
東京迪士尼樂園®呈現好似童話世界入面嘅幸福氣氛
一入到東京迪士尼樂園®，就可以見到慶祝35週年加2018年聖誕節嘅招牌，而化身「喜慶大街」內嘅世界市集，就有棵巨大聖誕樹迎接遊客，到咗夜晚就會配合特效燈光Show展現同日頭唔同嘅面貌。另外，喺灰姑娘城堡前方嘅圓環內，米奇等迪士尼明星上街歡度聖誕嘅可愛情境都要列入影相景點入面呀。園區各大主題區域仲會掛起獨具特色嘅聖誕裝飾並設置影相位，等你無論行到邊，都可以感受著「迪士尼聖誕節」夢幻喜樂嘅美景。
東京迪士尼海洋®「品味聖誕」首次登場 悠閒享受屬於大人嘅奢華時光
東京迪士尼海洋®嘅美國海濱地區，則有高約15米嘅巨大聖誕樹坐落喺S.S.哥倫比亞號前，上頭掛著35週年慶嘅紀念標誌，淨係今年先有嘅佳節氣氛嚟㗎。同時，港岸公園都換上聖誕燈飾「雪晶幻彩」嚟迎接遊客。水晶聖誕樹、雪花結晶等洋溢著浪漫氣氛嘅裝飾會由黃昏時分開始點燈，綻放熠熠光彩。
失落河三角洲則會係佈置比往年更耀眼華麗嘅彩燈同裝飾，呈現出快樂熱鬧嘅聖誕世界，等遊客可以喺彷彿由唐老鴨、鸚鵡 José Carioca、公雞 Panchito 同當地居民攜手打造嘅瑰麗聖誕街道上漫步。
今年，東京迪士尼海洋®喺美國海濱首度打造「品味聖誕」，等遊客可以喺度享用餐前酒同輕食去渡過浪漫又奢華嘅時光。紐約區嘅餐飲設施都佈置著聖誕裝飾，展露溫馨風情。可以自在閒適咁享受紐約居民精心準備嘅優雅聖誕節。
當然，鱈魚岬都充滿過節氣氛，Duffy同好友更身著冬季新裝同聖誕裝喺鱈魚岬迎接等待大家嚟玩，遊客可以同Duffy仲有好友公仔合影留念。另外，掌舵嘅米奇雕像後方都擺咗聖誕樹，行到呢度，可以嚟搵吓身穿聖誕裝嘅Duffy同好友匿埋喺邊㗎。
睇完FUN!JAPAN嘅介紹，係咪心郁郁好想即刻飛去日本呢？「迪士尼聖誕節」 將持續到12月25號(二)，呢段期間你都仲有機會可以去東京迪士尼度假區®享受屬於東京迪士尼嘅聖誕氣氛㗎！！
Comments