位於北海道北部中央位置嘅富良野，係冬季運動、鄉村風情同大自然風景名勝區。無論係夏日令人驚豔嘅花田同美瑛景色定係冬日享受富良野嘅滑雪渡假村，喺呢度都有豐富資源俾你去睇、去玩、去探索更多！
有關富良野嘅歷史
同日本其他受歡迎嘅地方相比，富良野嘅歷史最短。 現生活喺北海道嘅原住民，即阿伊努人，將富良野稱為「Fura-nui」。 由於該地區火山活動產生嘅空氣中含硫磺，所以用佢哋本土語言將其粗略地譯成「臭味難聞嘅地方」。
直到1897年先有第一批人民開始從三重縣移居到富良野地區及耕種土地。僅僅幾年後，喺1899年建立市政廳，並隸屬上川支廳管轄。而唔使一年後，喺1900年引進咗鐵路，將其同北海道其他地方連接起嚟。
多得鐵路嘅興建，富良野迅速發展起來，最終結合埋周邊嘅城鎮和村莊，包括東山和山部，並於1966年富良野正式更名為富良野市，直至現在。
現今立足的富良野
截至2016年9月30日，富良野已發展到人口約23,000人，面積約600多平方公里。 由於土質含豐富營養，富良野因其農產業而蓬勃發展起來。 富良野出名生產高品質嘅紅蘿蔔、洋蔥、西瓜、牛奶同芝士等乳製品而聞名。
富良野交通
喺交通方面，富良野地區有好多高速公路，好方便搭車遊北海道其他地區之前作為落腳據點，觀賞大自然同放鬆身心嘅好地方。 此外，仲有一啲當地市內巴士可以帶你去遊覽富良野市，仲有由北海道鐵路公司營運嘅富良野線同根室線鐵路。 加上，從富良野出發僅一個鐘車程就到旭川機場啦。
富良野觀光旅遊
喺旅遊方面，富良野以好多各種觀光景點，文化慶典，傳統文化同滑雪場而聞名。著名嘅冬季滑雪勝地令每年唔只日本，仲受到來自世界各地數千名遊客歡受添！
玩在富良野
根據你去富良野嘅時期，一年中有各式各樣嘅景點同活動讓你遊玩！喺夏季，可以一看當地產業商品，欣賞美瑛同著名薰衣草田嘅美麗景色。 喺冬季，你可以喺富良野滑雪勝地滑雪到天荒地老滿足你滑雪嘅慾望！或者參觀神秘嘅鳥沼公園，聽聞即使喺冬天嘅日頭定夜晚，都唔會結冰㗎！
富良野嘅夏季
喺夏季遊富良野係一個良機俾你可以呼吸新鮮空氣，享受大自然風景同當地美食！
菓子工房Furano Delice
當你去富良野旅遊時其中一個「must-try」，唔可以錯過一試嘅就係當地出產嘅乳製品。而當中最出名販售乳製品嘅地方就係菓子工房Furano Delice。呢度就係首創並販售小瓶裝布丁。
景點資訊
- 名稱：菓子工房Furano Delice
- 地址：北海道富良野市下御料2156-1
- 交通資訊：從富良野車站乘搭12分鐘的士
富良野薰衣草田
喺夏季，你可以去遊覽位於富良野主要地區嘅北面位置嘅美麗薰衣草田。只要喺富良野車站搭車去北面少少嘅「薰衣草花田車站 (ラベンダー畑駅)」就可以去到其中一個農場。喺嗰度你唔只可以睇到好靚嘅薰衣草田，仲可以食到好好味嘅薰衣草味軟雪糕添！我哋建議你先去富田農場 (ファーム富田)，之後再去其他農場！
景點資訊
- 名稱：富田農場 (ファーム富田 Farm Tomita)
- 地址：北海道空知郡中富良野町基線北15號
- 交通：「薰衣草花田車站 (ラベンダー畑駅)」下車步行7分鐘
富良野芝士工房 (富良野チーズ工房)
夏季另一個值得去遊覽嘅好地方就係受歡迎嘅富良野芝士工場！ 喺芝士工場，你可以睇到從頭到尾製作芝士嘅過程！你甚至可以參加工作坊，或者食佢哋新鮮嘅乳製品，例如有Pizza同雪糕。
景點資訊
- 名稱：富良野芝士工房 (富良野チーズ工房)
- 地址：北海道富良野市中五區
- 交通資訊：JR富良野站搭9分鐘的士車程
富良野紅酒工場
自1972年以來，富良野紅酒工場一直致力於釀造其聞名嘅紅酒。因為富良野地區嘅獨特環境，加上以當地生產嘅葡萄製造，呢種獨特嘅口味係其他地方都無嘅。 去到酒庄你可以試吓搭配西式食物飲各種葡萄酒，甚至仲可以參觀附近嘅提子汁廠，免費試飲果汁添！
景點資訊
- 名稱：富良野紅酒工場 (ふらのワイン工場Furano Winery)
- 地址：北海道富良野市清水山
- 交通資訊：JR富良野站搭9分鐘的士
富良野嘅冬季
冬季係遊覽富良野地區嘅最佳時期之一，因為呢度有大量積雪。 無論係你想去探索永不結冰嘅公園之謎，藍色湖面嘅壯麗景色，定係滑雪，冬季嘅富良野都係遠離城市同欣賞冬季仙境嘅絕佳去處！
富良野滑雪渡假村 The Furano Ski Resort
作為王子大飯店&度假村連鎖酒店旗下酒店，富良野滑雪場係一個廣大嘅度假勝地，你可以花幾日喺度Relax同探索玩樂！呢度有好多滑雪道適合初學者，或高手人士亦可尋求刺激，突破極限。
由於富良野位於北海道嘅北部，滑雪場每年都絕對可以提供新鮮粉雪俾滑雪者。事實上，有好多外國遊客特地去呢個度假勝地都係為咗呢個原因！
滑雪場總共有9部吊椅纜車同24條滑雪道，雙板或單板滑雪都可以盡興。而且仲有好多地方可以同屋企人或朋友一齊睇一齊玩。夜晚亦會舉辦活動，例如觀星活動，夜間冰雕觀賞，山上某部份區域到夜晚仍開放！
當然，除咗滑雪場，王子大飯店都係非常正㗎啦。酒店有好多餐廳可供選擇，仲有當地溫泉可以讓你喺寒冷天氣裡溫暖身體！
景點資訊
- 名稱：富良野滑雪場渡假村 / 新富良野王子大飯店
- 地址：〒076-8511 北海道富良野市中御料
- 交通資訊：從JR富良野車站乘搭15分鐘的士
去遊永不結冰的池水—鳥沼公園
即使喺冬天，鳥沼公園內都有一個出名湖水永不結冰嘅池。偏離於富良野市中心嘅鳥沼公園以冬季時透明清澈嘅池水同神秘景色而聞名。
景點資訊
- 名稱：鳥沼公園
- 地址： 北海道富良野市東鳥沼１
- 交通資訊：從JR富良野車站搭9分鐘的士
富良野的青池
被認為係富良野同美瑛地區打卡最佳景點之一，青池係景色好壯觀嘅一個景點！ 雖然佢睇起嚟似係一個自然奇景，但池塘實際上係人造池嚟嘅。
自1988年附近嘅十勝山火山爆發後，為咗引導火山溶岩流動而建造池塘。從此之後，呢個池就因其池水嘅獨特藍色色調而聞名，其實係因為水中存在氫氧化鋁呢個物質。
如果唔係自駕遊，去青池可能會好困難。不過其實都有好多由札幌出發嘅巴士旅遊團。你亦可以試吓喺美瑛參加的士觀光服務。
景點資訊
- 名稱：白金青池
- 地址： 〒071-0235 北海道上川郡美瑛町白金
- 交通資訊：從美瑛車站搭20分鐘的士或巴士
富良野的美食
正如上文提及，富良野以乳製品聞名，所以都好建議去造訪睇吓當地人點製作咁高質嘅乳製品！
去富良野芝士工房品嚐新鮮製作嘅芝士！
可能你覺得喺製作工房唔似會食到好味嘅午餐，但呢度唔只免費入場，仲可以食到即場製作新鲜乳製品，講新鲜原味，真係無其他方地能及喎！
你仲可以透過互動體驗活動去製作食物，整自家製芝士又得，雪糕、牛油、麵包，甚至Pizza都得！如果有興趣，就必須提前3日事先預約參加。但真係好推薦去體驗呢個好玩又好食嘅活動呀。
景點資訊
- 名稱：富良野芝士工房（富良野チーズ工房）
- 地址： 北海道富良野市中五區
- 交通資訊：從JR富良野車站搭9分鐘的士
富良野Wine House（紅酒酒莊）
位於富良野紅酒工場(Furano Winery)旁邊，就有富良野Wine House呢間高級餐廳。除咗可以配上同食物夾嘅紅酒享受多款西式料理，仲可以睇到周邊地區壯麗景色嘅全景。
餐廳提供多款美食例如意粉、pizza、牛排等等。除咗散嗌，如果多人仲可以實惠價錢食到餐廳專為團體設計嘅多人數餐單，甚至可以BBQ添！無論邊種食法，你都一定可以品嚐到當地最正嘅飲食體驗。
景點資訊
- 名稱：FURANO WINE HOUSE（ふらのワインハウス）
- 地址： 北海道富良野市清水山
- 交通資訊：從JR富良野車站搭10分鐘的士
富良野的天候氣溫
位於北海道中央位置嘅富良野，擁有潮濕嘅氣候，所以夏季時暖和而潮濕，但冬季時落雪就非常寒冷。
夏天時富良野嘅氣溫
當夏天去富良野時，可以預計氣溫適中，最高可以去到20度，但同時喺濕度高嘅環境下，就可能未必係想像中咁舒適，尤其是當雨季來臨，更係落好多雨嘅地區嚟添。
而暖和氣溫會持續到10月或更耐，溫度會跌到平均15度或更低去迎接冬季。
冬天時富良野嘅氣溫
富良野因為曾經被錄得北海道最寒冷冬天嘅地區及喺冬季擁有大量降雪量而被廣為人知。而溫度更會跌至零下10度左右。所以雖然適合冬天去青池欣賞美景，但喺冬季去真係要萬事小心呀！
著咩衫去富良野好？
根據唔同季節著衫都有所不同。喺夏天你可以著短褲t-shirt 等，但如果係雨季就記緊要帶返件防水外套以免一落雨就變落湯雞啦。
而喺冬天就非常建議著暖身衫同厚外套。而且因為喺富良野有啲地方凍到地面會結冰，所以建議著返對boots以免行喺察覺唔到嘅冰面上跌倒。
從札幌前往富良野
如果從札幌搭電車去富良野，你需要轉幾次車。首先可以從札幌乘搭Kamui號或Lilac號前往瀧川站。再從此轉車搭根室本線直達富良野站。
全程約需時2個鐘，但係你可以喺北海道呢個潮濕嘅夏季或寒冷嘅冬季安坐於恆溫車廂舒適地前往目的地。
從札幌乘搭巴士去富良野
如果唔想轉車，咁就建設你去搭富良野高速巴士直接從札幌站一程到達富良野站。呢個巴士路線一日有8班車。基本上車程需時2個鐘左右，不過因天氣或道路情況而可能有所不同。
無論你用咩方法去遊富良野，你都一定可以透過富良野嘅壯麗大自然風光中，得到一個難忘且快樂嘅旅遊體驗嘅！
Comments