當翻譯同搜集咗半年有關日本嘅恐怖故事同神秘事件，我諗係時候分享一啲當我居住喺日本時所發生嘅奇異事情。我可以保證以下所有事都係真實發生嘅，但相唔相信我就隨你啦...
*有關菅原道真記事將延遲投稿分享，敬請原諒
靈臭
當我嚟到日本，為咗融合日本文化；打從心底尊敬祭拜喺神社嘅本土神明。但就係咁產生咗副作用。
我個鼻開始好敏感，變得比朋友更早聞到，聞到更遠。然後我開始聞到其他嘢，有時候就連我身邊嘅人都可以聞到嗰啲，特別係嗰啲包圍住我嘅氣味。
喺日本呢種現象叫靈臭(靈異氣味). 我第一次察覺呢種香味，係我同朋友去箱根拜祭神社路上野花所散發出嚟嘅香氣。三個人入面得兩個人聞到呢種香氣。
神社嗰陣香氣
我參加咗個旅行團去水戶市嘅一個神社，一個被視為最具備能量之地；根據日本神話，呢度係天照大神發怒之後匿埋上嚟嘅地方。當我行入去嗰一瞬間，就已經聞到焚香煙味。 雖然本堂喺山林深處，附近亦無擺設香爐。凈係得我哋兩個聞到嗰陣香氣；一個年老導遊同我。我同其他人提及呢件事，跟住一個較為年輕嘅導遊過咗陣都開始聞到呢陣香氣。
從嗰陣開始，我嘅嗅覺就突然變得非常敏感 。從科學嘅覺得嚟睇，我以為只係大腦向身體發送出飢餓嘅訊號 (我一日凈係食兩餐) 所以我同狗仔一樣可以聞到人哋嘅凈飯氣味。但我喺一啲介紹超自然現象嘅網站搵到靈臭(霊臭 Reishu)呢個詞語。話有視覺或者聽覺，靈臭亦係其中一種靈感。
你擁有專屬於自己嘅守護靈嗎?
然而我仲未係好確定我擁有靈臭嘅能力，直到喺公司發生咗一件事件。同事問我佢有無守護靈(守護霊 Shugorei). 我話我睇唔到嘎喔，但我聞到有一隻。大概過咗3秒鐘，佢話佢聞到一支蠟燭嘅煙味，就喺之後我都即刻聞到。起初，我哋以為邊個靜雞雞準備咗生日蛋糕之類嘅嘢，但我哋等咗又等，同打點周圍一切，發現公司並無擺設任何一支蠟燭。最重要嘅係，凈係得我哋兩個聞到呢種香氣。
對於同事嘅疑問，只可以總結為佢身邊真係有一隻守護靈。
一個奇怪嘅到訪
事情發生喺我去墳墓上完香同去神社祭拜，祈求神明允許同原諒我繼續寫有關日本恐怖故事同神秘事件嘅文章。當時，我嘅新一篇文章完成咗草稿然後打算喺當晚完成打成篇文章出嚟,但由於上山遲咗返屋企，所以返到去直接就瞓覺；而篇文章仲係喺草稿階段。
大概喺凌晨3，4點，我被一陣焚香味搞醒咗。陣氣味香味撲鼻，所以我斷估係從一個善意之物散發嘅氣味，亦或者係平將門神明本人 ，但我講唔清楚。我一於下定決心去到公司第一件事要完成寫好篇稿。當晚，係我兩個禮拜喺緊張嘅狀態下，第一次可以瞓得咁安穩嘅夜晚。
預感都有氣味?
喺某一日嘅下午兩點, 我喺公司不斷聞到燶味。而陣味攻鼻到需要用檯上風扇吹走。然而我身邊嘅人似乎都無留意到，所以我以為只係錯覺，可能有其他人坐過我嘅位食早餐或者午餐去咗食燒肉，我落力清除燶味，然後一粒聲都無出過。
大概喺下午5點45分，消防車聲響起。然後大概喺下午6點，廣播話成棟大廈著緊火 :正正就係我呢棟大廈。一啲同事經過我張檯都有聞到冷氣機通風口散發出嚟嘅燶味:但凈係喺我張檯嘅範圍先至聞到。火已經撲滅咗，但為咗安全檢測需要疏散成棟大廈嘅人，所以我哋執齊嘢就行落樓梯離開。
而我喺下午兩點已經聞到同一陣燶味。
事後發現，大概喺下午四點，火源係源自於擺放喺二樓嘅建築材料自然著火所導致。
Comments