福島縣裏磐梯嘅大自然美景

福島嘅裏磐梯地區有未受破壞嘅大自然環境，令你有機會睇到真正嘅美景。前往裏磐梯地區，到著名嘅磐梯山下，以自己嘅步伐探索呢個美妙嘅自然仙境。

裏磐梯嘅自然之美

而家所睇到嘅裏磐梯係喺1888年磐梯山火山爆發後形成嘅。就好似富士山一樣，呢次嘅噴發使當地區嘅地貌大為改變，創造咗豐富嘅自然景觀。當地屬於磐梯朝日國立公園嘅一部分，於1950年被指定為國立公園。

當地有好多步道同美景。最受歡迎嘅係「五色沼步道」，一條平坦嘅步行道，可以帶你穿越眾多池塘、湖泊同森林。全程行完需要一個幾鐘，非常值得大家前往體驗，欣賞壯麗嘅景色。

磐梯朝日國立公園最適合嘅旅遊時間為秋天。當天氣逐漸由夏轉秋，葉開始變色，鬱鬱蔥蔥嘅步道披上一件紅色外衣。望著樹木倒映喺清澈湛藍嘅水面上，係日本最令人嘆為觀止嘅自然體驗之一。

裏磐梯湖畔度假村位於檜原湖畔，位於一個人口稀少嘅地區，隱藏喺大自然深處，令旅客可以遠離塵囂，享受日本高原美景。

裏磐梯湖畔渡假村內有日式同法式餐廳，入住客人仲可以享用開放式自助餐。客房設備齊全，例如Wi-Fi、高清電視，仲有好多舒適嘅設施，俾你擁有一個完美嘅湖邊住宿體驗。

前往裏磐梯湖畔度假村，可以搭酒店免費接駁車或開車前往。公共交通工具喺當地唔係太常見，因此度假村提供往返豬苗代車站同其他各種滑雪場嘅免費接駁服務。

「裏磐梯湖畔度假村」以前稱為裏磐梯貓魔酒店。度假村娛樂設施豐富，卡拉OK有日本最新流行歌曲，以及世界各地嘅歌曲；娛樂室有乒乓球、桌球同飛鏢；仲有一個以磐梯朝日國立公園區域為主嘅展覽藝廊。

裏磐梯皇家度假大酒店位於磐梯高原內，被併入Active Resorts連鎖集團後，改名為「Active Resorts 裏磐梯」，度假村嘅設施亦因而升級。

酒店最吸引人嘅特點之一為，距離知名景點「五色沼步道」僅8分鐘步行路程。辦理入住手續嘅時間為下午3點後，退房時間為上午10點前。

「裏磐梯湖畔度假村」以前稱為星野渡假村裏磐梯。所以，擁有星野度假村好多具代表性嘅設施，包括一個採用天然溫泉水嘅溫泉區仲有一個SPA水療設施，幫助你消除疲勞。

裏磐梯湖畔度假村滿足大家嘅各式需求，歡迎嚟呢度入住，近距離感受日本嘅大自然之美。