於福島縣嘅末廣酒造廠品嚐純正清酒

福島會津地區嘅「末廣酒造」所釀嘅酒，每年贏得國內同國際獎項。「末廣酒造」酒廠向公眾開放，可以參觀同試飲、以了解清酒嘅釀造方式。

末廣酒造嘅歷史

「末廣酒造」成立於1850年，係世界上最知名嘅日本清酒釀酒廠之一。「末廣酒造」釀嘅酒曾獲得無數國內同國際獎項。

「末廣酒造」而家由第七代經營，以家族傳承落嚟嘅傳統方式釀造清酒。眾所周知嘅世界級清酒風味，使用當地材料釀造而成。

參加「末廣酒造」嘅導覽團，可以了解清酒釀造過程，並參觀釀酒設備。釀酒廠嘅博物館區域，展示出同該企業歷史相關嘅文件、照片同其他資料。

導覽過程中，可以參觀各個唔同嘅區域。可以睇到米飯發酵釀成清酒嘅設備、倉庫同舊酒窖。酒廠入面仲有一間Café ，供應用釀酒嘅米做成嘅雪芳蛋糕，以當地釀酒原料所製作嘅咖啡等等。

參加導覽團費用免費，全程約30分鐘。導覽雖然以日語進行，但係可以近距離參觀生產設施、歷史圖像，甚至可以現場試飲一啲清酒。

喺「末廣酒造」嘅紀念品店隔離，有一個品酒吧，可以嘗試由「末廣酒造」釀造、五至七種唔同嘅清酒。

「末廣酒造」酒廠開放時間為違每日09:00至17:00，導覽一個鐘一場，從09:30至16:00。

※「末廣酒造」免費入場。