福島縣必食美食餐廳

福島以其美味嘅食物而聞名，好多餐廳供應當地美食以及其他日本料理，一於嚟福島縣餐廳品嚐當地美食啦！

發現福島縣必食美食餐廳

福島縣各地有好多美食餐廳。著名嘅福島美食包括長蔥蕎麥麵同喜多方拉麵。每一道菜餚都展現出地方特色，並使用當地嘅特色食材。

らん亭～ 美日庵

「らん亭～ 美日庵」係福島市一間熱門嘅懷石料理餐廳，距離郡山富田站僅係幾分鐘嘅步行路程，採用福島當地食材，為你提供最好嘅懷石料理。套餐提供好多福島菜餚同當地食材，例如係乾魚，價格實惠。

另外，餐廳有好多日本傳統嘅酒類。可以品嚐當地嘅清酒、燒酒同日本葡萄酒。

餐廳資訊

• 名稱: らん亭～ 美日庵 Ranteibibian
• 地址: 福島縣郡山市富田町字下麯田12-1
• 交通方式: 從磐越西線 郡山富田站步行9分鐘

喜多方拉麵會津屋

喜多方拉麵會津屋 (喜多方ラーメン 会津屋)可以令你體驗日本最著名嘅拉麵之一。喜多方拉麵以醬油為底，再加入豬骨、日本沙丁魚，有時仲會放入雞肉或者係蔬菜。配料有牛肉片、蔥等。

位於東北高速公路嘅Azuma休息站內，如果想休息一下，喜多方拉麵會津屋係你最好嘅選擇。休息站雖然24小時開放，但係餐廳營業時間為上午8:00至晚上11:00。

餐廳資訊

• 名稱: 喜多方拉麵會津屋 (喜多方ラーメン 会津屋)
• 地址: 福島縣福島市上野寺字和喜3
• 交通方式: 高湯溫泉線「竹之內」巴士站步行10分鐘； JR 福島站西口搭車約10分鐘

於喜多方市品嚐拉麵

以喜多方拉麵聞名嘅福島縣喜多方市，地方雖然細，卻有多達120多間拉麵店。喺享用拉麵之餘，仲可以順便參觀當地景點。

小田付道下地區嘅喜多方藏座敷美術館同喜多方市美術館附近，以三間好正嘅喜多方拉麵而聞店。「喜多屋」(Kitaya)提供一個精緻、舒適嘅用餐環境、供應鹽味嘅喜多方拉麵。

位於下一個街區嘅係「麵屋玄」(Men-ya Gen)拉麵店。呢間餐廳擁有更加華麗嘅裝潢，散發優雅氛圍。朝早7點開始營業，俾你喺一朝早出發之前，食到一碗熱辣辣嘅拉麵。

再過多幾條街，位於諏訪町嘅喜多方拉麵店「福島屋」(Fukushima-ya)，係當地名店，店內座位唔多。所以如果想品嚐呢間熱門嘅拉麵店，建議提早抵達。

福島大内宿嘅名產―長蔥蕎麥麵

福島大内宿嘅知名美食「長蔥蕎麥麵」，以長蔥替代筷子食麵。呢個歷史名物又稱為「高遠蕎麥麵」，可以喺大内宿主要街道上，各種改建嘅茅草屋入面搵到，好多蕎麥麵老店已經傳承咗好幾代。

由於好多店鋪都無設置官網，所以喺網路上好難搵到大内宿嘅餐廳資訊。最好嘅辦法係親自前往當地，行入去美麗嘅茅草屋聚落。

請注意，大內宿多間餐廳都只提供日文餐單，但係唔使擔心，點餐嘅時候同店員講要「Negi-soba」，就可以食到長蔥蕎麥麵啦。

相關資訊

• 名稱: 大內宿
• 地址: 福島縣南會津郡下鄉町大字大内字山本
• 交通方式: 從湯野上溫泉站乘搭的士約15分鐘