福島縣花見山公園

花見山公園係福島縣嘅主要花卉觀賞點之一，位於福島市外，因其美麗嘅櫻花而受到遊客歡迎。

關於福島縣花見山公園

福島縣花見山公園坐落喺一片寧靜嘅山丘上，周圍環繞著農田。1959年對外開放之前，當地嘅農民喺唔同季節種植咗好多花卉同植物。

呢個公園喺成立初時就由阿部家族管理。阿部家族想創造一個美麗嘅地方，以紀念佢哋拿著鮮花四周圍兜售嘅嫲嫲。而家呢座位於自家私有土地上嘅公園由阿部家族第三代照料。

1979年，呢座公園嘅相喺一個受歡迎嘅攝影展上首度亮相，從此遊客絡繹不絕。從嗰時起，阿部一家就利用呢個公展示福島美景嘅療癒特質。第二次世界大戰後公園對外開放，2011年3月11日嘅東日本大震災後，更成為熱門景點。

福島縣花見山公園係一件藝術品。作為小型鄉村地區嘅綠洲，喺公園周圍漫步一個鐘令你體驗60多種日本花卉同植物。喺晴朗嘅日子，仲可以睇到遠處嘅絕景－盤梯吾妻skyline。

如果計劃喺四月前往福島旅遊，推薦一定要去花見山公園賞櫻。作為福島嘅主要賞櫻景點，花見山公園有各種各樣嘅花卉可以睇到日本嘅櫻花、梅花同其他各種花卉。

春季嗰陣仲可以睇到以殘雪嘅盤梯吾妻skyline為背景，色彩繽紛嘅花見山公園，絕對係一個令人驚嘆嘅地方。

Hanamiyama，日文即係「花見山」。呢個名字真實反映出公園嘅性質，係觀賞日本花卉（日文係花見）嘅最佳地點之一。

花見山公園嘅擁有者－阿部家族希望同大家分享佢哋所栽培嘅花卉之美，花見山公園入場免費。公園全年開放，但會視天氣情況而定。雖然公園全日營業，但屬於私人住宅範圍，因此唔建議喺夜間前往，以免影響阿部家庭嘅生活。

公園入口處嘅遊客中心，會深入介紹公園嘅歷史、阿部家族以及當地社區對公園嘅支持。公園入面大部分嘅標示都係日文，但一啲都唔會妨礙你欣賞美麗嘅花卉！

春天花季期間，有臨時接駁巴士從福島站直達「花見山入口」站，每30到45分鐘一班。車程僅需15分鐘，單程票價為250円。

如果唔不介意行路，從福島站到花見山唔使一個鐘。如果天氣好，從市中心前往城市郊區，體驗福島市嘅一種慢旅方式都唔錯吖！

如果喺春季以外前往花見山公園又唔想行路嘅話，從福島站乘搭的士，車程都只係15分鐘，車費約1500円。