大阪GRAND FRONT OSAKA購物中心

位於大阪梅田車站北口嘅「GRAND FRONT大阪」，係一個集結咗266間店鋪、日本國內目前最大嘅購物中心。今次要為大家介紹GRAND FRONT大阪，一於嚟睇下呢度到底有啲咩特色，點解可以咁與眾不同。

於GRAND FRONT大阪可以做嘅事情

如果想行曬GRAND FRONT大阪，需要成日嘅時間。成個購物中心有266間店鋪，佔據大阪站以北同梅田站以西嘅範圍。呢度有大阪限定同精選品牌商店，例如，BEAMS同SHIPS等受到遊客歡迎嘅品牌。

南館透過空橋同大阪車站直接相連，有多間高級時裝服飾精品店、優雅嘅餐廳同Panasonic展示室，從地下一層到地面九層。北館有大阪洲際酒店，係大阪評價最高嘅酒店之一，提供世界一流嘅服務。

旅行奔波咗成日，可以喺GRAND FRONT大阪嘅餐廳進食。UMEKITA DINING位於南館7至9樓，設有約40間日式、各國料理嘅餐廳。推薦大阪風御好燒同串燒炸物等大阪美食。另外，仲有幾間人氣Café，例如Qu'il fait bon同Afternoon Tea TEA ROOM等。

位於北館6樓嘅UMEKITA樓層設有16間餐廳，從午餐、下午茶到晚餐都有供應，營業至凌晨4點。係一個體驗「大人嘅樂趣」嘅地方，一於嚟呢度享受美食美酒同優美嘅氣氛啦。

GRAND FRONT大阪最引人注目嘅空間係融合知識同科技娛樂嘅奇妙空間「知識之都」(Knowledge Capital)。位於北館內，佔地好幾層，展示咗當今同未來嘅技術。

喺知識發信中心「The Lab―世界上最適合每個人嘅實驗室」，透過有趣又簡單嘅互動式媒體，令大人細路都可以體驗尚未普及到日常生活嘅未來性尖端科技。唔單止可以實際睇到並觸摸到，仲可以參與「製作」。

GRAND FRONT OSAKA營業時間因各區域同商店而異。大部分商店於上午10點開門、餐廳於上午11點開始營業。

※Panasonic中心營業到夜晚8點。