位於兵庫縣姫路市嘅「好古園」係依照姫路城舊宅邸遺跡庭園建造嘅日本庭園。活用建造時發現嘅宅邸遺跡同通道痕跡建造，由9個日本庭園構成。喺優美嘅日本庭園當中可以欣賞到世界遺產・姬路城，如此景色相當具有魅力、非常推薦。
姫路城西舊宅邸遺跡庭園「好古園」
好古園係紀念姬路市制定100周年而建造嘅日本庭園，總面積約3.5公頃。保護兼活用具有歷史價值嘅文化財產，並作為推廣文化嘅場所，於1992年開園。建設前嘅挖掘調查，確實1618年所建造嘅西御屋敷，武家屋敷（舊宅邸遺跡）以及通路遺跡。庭園以挖掘到嘅舊宅邸遺跡同舊有嘅通路痕跡為基礎，靈活運用興建大小庭園同樹林路徑、廣場等。
庭園嘅格局設計
庭園內有9個別緻嘅庭園同作為庭園代表性嘅長走廊，仲有正式嘅茶室。呢個庭園係以池塘同水流連接起來嘅池泉回游式庭園（以池塘及環繞池塘周圍嘅遊園路為中心建造嘅庭園），並以世界遺產・國寶姬路城為背景。隔離就係姬路城西之丸一帶嘅富饒原始森林，綠意盎然嘅背景，創造出歷史與自然和諧嘅優美景觀。
景點資訊
- 名稱：好古園
- 地址：兵庫縣姫路市本町68
- 交通方式：從JR姫路站乘搭神姫巴士至「姫路城大手門前」落車後徒步約5分鐘
好古園嘅特色
好古園內嘅「御屋敷庭園」係以池塘同環繞池塘周圍嘅遊園路為中心建造嘅庭園，係好古園內最大嘅日本庭園。池入面有美麗嘅錦鯉，陪襯著姫山嘅原始林景色，係絕佳嘅影相打卡景點。最具代表性嘅「長廊」，從走廊中心畫出美麗嘅曲線，行過走廊嗰陣會有猶如太鼓一樣嘅舒適聲音為其特徵。長廊左右隨著四季變遷呈現出唔同美景。「雙樹庵」係朝向姫路城嘅天守閣方向建造嘅正式茶室。茶席費用500円，可以喺呢度品嘗抹茶同生菓子。此外，庭園內設有餐廳，可以一邊眺望美麗嘅庭院景色、一邊用餐或飲茶休憩。餐廳提供天婦羅蕎麥麵、蓋飯等套餐菜單供來客揀選。
好古園嘅開放時間
好古園嘅開園時間依季節不同，4月27日至8月31日期間嘅開放時間為上午9點～下午6點 (最後入園時間至下午5點半為止）、9月1日至4月26日期間嘅開放時間為上午9點～下午5點（最後入園時間至下午4點半為止）。休園日為12月29日同30日。此外，如果有舉辦其他活動嘅時候，有可能變更調整開閉園時間，建議事先check一下官網。入園門票費用為成人300円、小學生至高中生為150円。亦有同姬路城門票一齊販售嘅共通券套組，成人為1,040円、小學生至高中生為360円。
Comments