而家仲係相當紅、世界聞名嘅寵物小精靈。而家寵物小精靈嘅官方café 喺2018年3月東京日本橋正式開幕啦。喺1998年第一間寵物小精靈官方專賣店都係喺日本橋開幕。而寵物小精靈café周圍都可以見到各種得意可愛嘅人氣角色，無論係提供嘅菜單，到內部裝潢同餐具全部都係寵物小精靈！就等我哋為大家介紹，充滿寵物小精靈嘅café所散發嘅誘人魅力，同人氣菜單！
設置咗Pokémon Center寵物小精靈中心，包含café在內，其規模最大！
位於日本橋高島屋S.C東館5樓嘅寵物小精靈café，同時設置咗Pokémon Center寵物小精靈中心，店名為「Pokémon Center TOKYO DX & Pokémon Café」，店舖面積約1320平方米，係寵物小精靈有史以嚟規模最大嘅店面。搭電梯直達5樓，會睇到卡比獸、比卡丘、夢夢喺門口迎接大家嘅光臨。唔少人會喺門口呢度影相留念。門口右側係寵物小精靈café。
店內裝潢皆為木頭風格，吧檯型嘅長檯上仲坐咗比卡丘、奇異種子、小火龍、車里龜以及伊貝，其他好似係裝飾用嘅盆栽係精靈球、員工制服繪有精靈球圖案．．．等等到處可以睇到寵物小精靈嘅蹤影。而且喺座位上仲放置咗紙製餐墊，座位上會出現邊一隻寵物小精靈嘅餐墊，就憑個人運氣啦。全部種類據聞有151種。點餐採用平板點餐，提供英文、中文服務。
網路上事先預約！決定好幾時嚟日本玩就提早預約啦！
寵物小精靈café採事先預約訂位。1個月前就可以預約，決定好日本旅行嘅時間，建議大家早D喺網路上預約，可以用英文預約。
但係有兩點大家必須注意。第一、基本消費每人必須點一道餐點。第二、用餐時間限時90分鐘。如有突發狀況要取消訂位，請於預約日嘅前一日22點之前喺網路上取消訂位，22:00以後請來電取消訂位（電話號碼03-6262-3439）。
廚師裝同服務生裝扮嘅比卡丘玩偶（第一張相，售價含稅1,620日圓）、A4資料夾3入裝（第二張相、售價含稅756日圓）等仲有附上特別周邊商品嘅「附特典的預約訂位」。而呢一項服務必須喺預約嗰陣用信用卡付款。
人氣菜單１
貪心比卡丘拼盤 1,706日圓（含稅）
比卡丘嘅餐盤上擺咗炸蝦、漢堡排、義大利粉、沙律、星形薯條、做成皮比丘嘅臉嘅可愛蛋包飯，非常豐盛豪華嘅一餐。仔細一睇比卡丘造型嘅蛋包飯，紅嫩嘅臉頰上面擺放紅蘿蔔，一道用心製作嘅餐點！可愛嘅餐盤係寵物小精靈嘅原創設計，如果點「貪心比卡丘拼盤 附皮卡丘餐盤 含稅2894日圓」仲可以將餐盤帶返屋企㖭。
人氣菜單２
元氣滿滿比卡丘咖哩 1,598日圓（含稅）
比卡丘咖哩，比卡丘造型嘅米飯令人印象深刻。青椒、洋蔥、紅蘿蔔、薯餅等材料都係星星形狀。咖哩嘅味道適中，唔會太辣亦都唔會太甜，討厭蔬菜嘅細路仔都可以食得津津有味，健健康康。
人氣菜單３
伊貝照燒雞肉漢堡 1,706日圓（含稅）
大份量嘅伊貝照燒雞肉漢堡，中間夾咗雞肉、番茄、洋蔥、唐生菜，配搭薯條、羅宋湯嘅套餐。拿嚟包漢堡嘅餐巾紙上面仲畫咗寵物小精靈café嘅LOGO，成組套餐不禁令人大叫可愛！
人氣菜單４
伏匿匿比卡丘煙肉蛋奶油義大利粉 1,598日圓（含稅）
「玩伏匿匿嘅比卡丘」為主題而設計嘅煙肉蛋奶油義大利粉。可以睇到比卡丘匿喺沙律草叢嘅小屁股同條尾。蛋皮入面加滿火腿同蘑菇嘅熱熱煙肉蛋奶油義大利麵。比卡丘嘅腳仔係玉子燒。仲有嗰條尾都忠實呈現！
人氣菜單５
比卡丘水果法式布丁 1,382日圓（含稅）
法式布丁上面擺滿咗草莓、藍莓、奇異果、哈密瓜、西柚等水果。正中間嘅比卡丘布丁則係芒果口味。滑嫩嘅布丁滑過舌尖嘅口感簡直係無比美味。
人氣菜單６
寵物小精靈café水果熱香餅 1,706日圓（含稅）
草莓、奇異果、藍莓等水果塊，再加上鮮奶油點綴嘅寵物小精靈café原創熱香餅。熱香餅上面撒咗了可可粉繪成寵物小精靈café嘅LOGO，隔離仲有一條比卡丘尾巴嘅餅乾。熱香餅一共有三層，份量都唔少！淋上糖漿享用，可愛又美味！
人氣菜單７
謎擬Q香蕉巧克力薄餅 1,598日圓（含稅）
謎擬Q造型嘅薄餅。謎擬Q嘅耳仔係捲咗香蕉嘅薄餅，用朱古力繪製咗眼睛同嘴巴，臉頰係莓果果醬。隔離仲擺咗水果塊、鮮奶油點綴，仲附上可可口味嘅尾巴餅乾。
人氣飲料之１
搖搖綜合歐蕾 莓果口味 1,080日圓（含稅）（照片左上）
搖搖綜合歐蕾 朱古力口味 1,080日圓（含稅）（照片右上）
比卡丘latte （熱） 864日圓（含稅）（照片左下）
比卡丘latte （冰） 864日圓（含稅）（照片右下）
當場製作綜合歐蕾。做法非常簡單。將牛奶同糖漿倒入專用嘅雪克杯蓋實之後搖一搖！搖完之後倒入個杯，最後再放上莓果就完成啦。Café 員工會一齊幫您製作。除咗莓果口味以外，仲有朱古力同果口味。
除此之外，仲推薦比卡丘馬克杯裝嘅「熱比卡丘latte」。拉花畫出比卡丘嘅模樣。如果想將馬克杯帶返屋企嘅話，可以點「熱比卡丘latte 附馬克杯 含稅1944日圓」。當然，仲有冰比卡丘咖啡！而且點一杯飲料，贈送一張杯墊，圖案係隨機贈送，令人不禁滿心期待自己會拿到邊一隻寵物小精靈啊！
人氣飲料之２
百變怪變身水果茶 918日圓（含稅）
使用咗紅茶同糖漿，製作出3層漸層嘅美麗水果茶。好好攪拌之後，就好似百變怪一樣變身，味道亦隨之變化！鮮豔無比嘅外表睇落去效果十足。吸管上面嘅百變怪都非常可愛。
店舖資訊
■店名
Pokémon Café寵物小精靈café
■地址
〒103-0027 東京都中央區日本橋2-11-2
日本橋高島屋Ｓ.Ｃ.東館 5F
■電話號碼
03-6262-3439
■營業時間
10:30〜22:00
最後點餐時間
餐點、甜點 21:00
飲品 21:30
■休息日
全年無休
■交通方式
JR「東京站」八重洲北口徒步約5分鐘
東京Metro銀座線、東西線「日本橋站」B2出口
都營地下鐵 淺草線 「日本橋站」徒步4分
Comments