有關神戶機場嘅介紹

神戶機場係關西三大機場之一，交通便利，前往神戶市區只需要20分鐘，亦可以乘搭海上高速船前往關西國際機場。神戶機場有好多好玩好行嘅地方，有各種各樣嘅商店、餐廳，仲有觀景台等設施。

關於神戶機場

神戶機場於2006年啟用， 與關西國際機場以及大阪國際機場（伊丹機場）同被稱為關西地區三大機場。神戶機場主要營運國內航線，大多數航班飛往羽田機場、札幌機場、那霸機場同其他國內機場。機場內可以買到神戶手信同品嚐神戶美食。觀景台可以觀覽飛機起降。從機場前往神戶市中心交通方便，到達神戶市嘅三宮只需要大約20分鐘路程。

相關資訊

• 名稱: 神戶機場
  
• 地址: 神戶市中央區神戶空港1
  
• 交通方式: 乘搭新交通港灣人工島線，約18分鐘，於神戶機場站落車
  

乘搭海上高速船從神戶機場到關西國際機場

從神戶機場到關西國際機場，我哋推薦「Bay Shuttle 海上高速船」，呢個係從關西機場前往神戶市區最快、最便宜嘅方式。名為「Umi(うみ)」號同「Sora(そら)」號嘅兩艘高速船，每日有16班往返班次，一共32班次。只要30分鐘即可抵達關西國際機場。從機場到碼頭有免費接駁車可以乘搭。如果當日有空位，即使無預訂亦可登船。當然提前預訂會比較保險，因為有時候乘搭嘅人好多。另外，只要行李長寬高合計2米內、30公斤以下，就可以攜帶上船。

高速船相關設備符合國際標準，例如船舶同乘船碼頭嘅寬度等。高速船上嘅各方面設計講究，例如走道大小、斜坡、洗手間、自動販賣機等，為乘客提供舒適嘅乘搭體驗。

相關資訊

• 名稱: 神戶高速船(Bay Shuttle)
• 地址: 兵庫縣神戶市中央區神戶空港10番
• 交通方式: 乘搭新交通港灣人工島線，約18分鐘，於神戶機場站落車

乘搭新交通港灣人工島線往返神戶市區與神戶機場

港灣人工島線係神戶一個新嘅交通系統，連接神戶市區同神戶港嘅人工島。所有列車都係6節車廂，採用自動駕駛。抵達神戶機場後，乘搭港灣人工島線，大約18分鐘內就可以抵達神戶市三宮站。喺三宮站，經過二樓驗票口，從三樓月台出發。從三宮到神戶機場嘅票價，成人330円、小童160円。三宮站可以轉乘JR同地鐵。呢個亦係一種從市區前往神戶機場嘅好方法。

相關資訊

• 名稱: 港灣人工島線三宮站
• 地址: 神戶市中央區小野柄通8丁目
• 交通方式: 阪急電鐵、神戶本線、神戶高速鐵道、神戶新交通

距離神戶機場最近嘅酒店

離神戶機場最近嘅酒店係「神戶波多比亞酒店」。呢個係一間可以欣賞美麗夜景嘅酒店，亦可以睇到通往大海嘅神戶機場跑道。酒店同市民廣場站（新港灣人工島線）直接連接，交通非常方便。酒店提供高品質客房，大部分都可以俯瞰神戶市嘅壯麗景色，仲設有專為家庭同細路仔設計嘅房間。酒店內嘅餐廳以精心挑選嘅當令食材製作美味餐點，亦有提供私人包廂嘅餐廳。

相關資訊

• 名稱: 神戶波多比亞酒店 (Kobe Portopia Hotel)
• 地址: 神戶市中央區港島中町6丁目10－1
• 交通方式: 市民廣場站(新港灣人工島線)直通