各項運動競技比賽，一到咗選手正式上場嘅時刻，大家都精神緊繃、全神貫注，而選手嘅神情必定都係凝重而且謹慎。但係唯有一項運動項目，選手們喺上場就位嗰陣，全程會KEEP住臉部笑容，你又知唔知係乜呢？呢項神奇嘅競技項目就係「運動舞蹈」，從社交舞基礎上發展而嚟嘅競技性舞蹈比賽，呢項競技舞蹈分為兩類，一個係「國際標準舞」而另一個係「拉丁舞」。
華麗嘅旋轉開場
舞池入面每對參賽者，五顏六色嘅華麗舞衣就好似一場彩色嘉年華會咁，從髪型、臉上嘅妝容、身上舞衣到穿著嘅舞鞋，都係為咗將自己嘅舞技達致最完美嘅演繹。當音樂一響起，參賽者從頭到腳嘅每一吋肌肉，都會跟住音樂嘅節奏跳躍。每一次嘅華麗旋轉，都反映出選手背後嘅努力。運動舞蹈係一項非常重視個人技巧嘅舞蹈運動，唔單止複雜, 仲需要長時間練習，先可以表現出好多高技巧且高強度嘅動作，國標舞嘅選手或者係從事國標舞運動嘅朋友，同一般為咗健身而開始接觸嘅運動唔同，係打從內心鐘意呢項運動，享受運動舞蹈帶俾佢哋嘅愉悅。
每一支舞都代表一個故事
國際標準舞（亦稱為摩登舞）又分為華爾滋、探戈、狐步、快步同維也維華爾滋；拉丁舞則係有倫巴、恰恰恰、森巴、鬥牛舞同捷舞。無論係標準舞嘅唯美優雅，或者係拉丁舞嘅熱情洋溢、強烈又奔放，都各自有擁戴者。舞者透過每一支舞蹈，將想傳遞嘅情感結合音樂、服裝、表情配搭上技巧，將自己完全融入喺舞蹈入面，舞者每一個動作成功牽引觀眾情緒同視線。
跳到跳唔郁為止
筆者採訪咗一位從事運動舞蹈已經有12年時間嘅老師，從學生時代開始接觸舞蹈社團之後，就點燃咗對運動舞蹈嘅熱情。一路以嚟「放棄」呢二個字，從未喺佢心中出現過 。每次由練習到上台表演，參加國內比賽甚至出國到其他國家參賽，或者係觀摩，都將心中嘅熱情持續延燒。對於一個愛上運動舞蹈嘅舞者嚟講，旋轉、跳躍嘅華麗舞姿，已經成為咗不可或缺嘅存在。佢仲話：「我會跳到直到我跳唔郁為止！」。可能就係呢份熱情，感染同感動愈來愈多人，一同進入運動舞蹈嘅世界。
喺日本關西舉辦世界級運動舞蹈大賽
如果運動舞蹈令你深深著迷，想享受喺場上飛舞嘅快感，渴望將自己嘅舞技再往上一個高峰攀升，咁你就絕對唔可以錯過，2021年喺日本關西舉辦嘅「World Masters Games2021年關西」運動舞蹈競技項目，來自全世界嘅運動舞蹈愛好者，聚首一堂、一較高下！比賽地點喺日本關西和歌山縣，喺參加比賽嘅同時，仲可以盡興暢遊日本! 唔使猶豫喇，帶埋你嘅舞伴，一齊跳入「World Masters Games2021年關西」啦！
更多「World Masters Games2021年關西」嘅相關資訊，請click 👉👉👉 https://www.wmg2021.jp/en/
Comments