【日本廣島】向世人傳揚「NO MORE HIROSHIMA」－世界文化遺產・原爆圓頂館＆和平紀念公園＆廣島和平紀念資料館

第二次世界大戰末期嘅1945年8月6日，人類歷史上首次於戰爭中使用原子彈，並於廣島縣廣島市投下。核武器引發嘅火球中心溫度超過攝氏100萬度，而爆炸中心附近嘅地表溫度亦高達3,000～4,000度，使得廣島市街道嘅建築物瞬間被摧毀。據推測，直至同年12月尾為止，一共約有14萬人死亡。

為祈求世界永久和平，廣島縣於爆炸中心附近嘅廣島市中區建設和平紀念公園，聯同被列為世界遺產嘅原爆圓頂館、展出被投下原子彈嘅廣島當時情况嘅和平紀念資料館，向後世傳達原爆後嘅慘況。

為祈求世界和平而建造嘅和平紀念公園

和平紀念公園位於廣島市中區，從江戶時代到昭和初期，此地曾經係市政廳、縣廳舍嘅所在地，亦係廣島市中心嘅繁華街道。根據原爆後1949年8月6日所頒佈嘅「廣島和平紀念城市建設法」，政府將爆炸中心附近作為永久和平嘅象徵地進行整修，和平紀念公園最終於1955年落成，並由建築師・丹下健三與其他3人負責設計。

面積122,100平方米嘅和平紀念公園，於2007年被指定為國家名勝。園內有被登錄為世界文化遺產嘅原爆圓頂館、重要文化遺產嘅廣島和平紀念資料館，亦設有包括原爆死難者慰靈碑在內嘅多面慰靈碑・紀念碑。

園內共設置35座紀念碑以及慰靈碑。原爆死難者慰靈碑存放著因原爆而逝世者名字嘅原爆死難者名冊，寄意「保護原爆死難者亡靈不被雨淋」，因此使用馬鞍型屋頂嘅填輪家型設計。從慰靈碑正面窺視屋頂裡面再望向遠方的話，正好會望見原爆圓頂。石碑前面則刻有「請安息吧，戰爭錯誤不再重演」，祈求和平願望嘅碑文。

即使係一般民眾，都歡迎進入「原爆死難者慰靈碑」嘅獻花臺獻花或祈禱。

圍繞著原爆死難者慰靈碑，係位於公園正中央位置嘅係「和平之池」。水池為撫慰於原爆中不斷地渴求水源與救助嘅原爆犠牲者亡靈而建造，慰靈碑被設計成浮於池上般，每年8月6日都會喺度舉辦和平紀念儀式，並於上午8點15分進行默哀。

以年僅2歲就成為被爆者嘅佐佐木禎子之死為契機，佐佐木禎子嘅同級學們向全國呼籲「為因原爆而死亡嘅所有小朋友製作慰靈碑」，結果獲得由全國3,200多間學校嘅學生、包括英國在內9個國家嘅捐款，並建造「原爆之子像（別名『千羽鶴之塔』）」。現時唔單止係日本，世界各國每年都會獻上約1千萬隻紙鶴。

以表現出宇宙概念，設計成圓頂型嘅鐘樓。鐘嘅表面雕刻著象徵「世界為一體」嘅無國界世界地圖，每逢人類首次遭受原爆災害時間（上午8點15分），園內都會響起寄寓和平願望嘅鐘聲。鐘聲現時已被選為日本環境省「日本音風景100選」。

世上唯一傳達核武器慘況嘅建築物一原爆圓頂館

明治後期嘅廣島傳統工業、近代工業蓬勃，因此開發軍用品、擴大銷路等需求急增。成為以上種種據點嘅原爆圓頂館前身建築物，就作為廣島縣物產陳列館於1915年4月落成完工。由於當時嘅廣島市中心建築物幾乎都係木造2層建築，加上作為博物館、美術館角色嘅物產陳列館嘅歐式建築設計相當罕見，因此被列為廣島名勝之一。

1945年8月6日原子彈投放後，由於建築物距離爆炸中心點非常近，因此本體幾乎全部被摧毀，唯獨中心部奇迹般避免倒塌，係當時靠近爆炸中心嘅建築物之中少數被殘留下來嘅被爆建築物。戰後因遭受原爆而形成露出鋼架嘅狀態，而被稱為「原爆圓頂館」。

原爆圓頂館於1996年被聯合國教科文組織列入世界文化遺產，雖然現時已成為廣島縣嘅旅遊勝地，但其實當時曾討論過究竟要將此建築物作為原爆事件嘅紀念物所保留，或因為會勾起原爆嘅相關悲慘回憶而拆除。

原爆圓頂於1953年由廣島縣轉讓予廣島市，幾乎保存著被爆後嘅模樣，但由於持續有小規模嘅崩潰、墜落，一度處於危險狀態。1966年7月，廣島市議會通過要求保存原爆圓頂嘅決議，開始進行募捐運動，直至1996年决定永久保存，至今為止進行了3次保存工程。

和平紀念公園・原爆圓頂館

• 地址：廣島縣廣島市中區中島町1・大手町1-10
  
• 開園時間：24小時
• 休園日：無休
• 交通方式：從廣島電鐵「Astram line本通站」徒步約5分鐘

向後世呼籲「NO MORE HIROSHIMA」－廣島和平紀念資料館

廣島和平紀念資料館係廣島市中區和平紀念公園範圍內，展出與原爆相關資料嘅博物館，為向後世傳達廣島原爆嘅慘況而於1955年開館。本館於2006年7月5日，作為戰後建築物首次被指定為國家重要文化財。與和平紀念公園一樣，建築由丹下健三所設計，受到國際高度評價。

位於館內東邊嘅「東館」與西邊嘅「本館」以走廊相連，東館除透通過「導入展示」、「核兵器危險性」、「廣島之步伐」3個展示區介紹廣島被投下原子彈嘅經過之外，仲有舉辦企劃展示與新到資料展；本館則以透過展示被爆者遺物與被爆時慘狀嘅相片及資料，將發生於1945年8月6日，向入場人士傳遞廣島當時經歷。

內部展出超過2萬件被爆災害資料，當中包括被爆者陳述影片，以及因原爆而逝世嘅死者遺物。本著「NO MORE HIROSHIMA」主旨，今後將會繼續向後人呼籲不再重複因投下原子彈而引起嘅廣島悲劇。

廣島和平紀念資料館

• 地址：廣島縣廣島市中區中島町1-2
• 開館時間：
  3月～ 7月／08：30～18：00
  8月 ／08：30～19：00（8月5日、6日至20：00為止）
  9月～11月／08：30～18：00
  12月～2月／08：30～17：00
• 休館日：
  12月30日～12月31日 ※情報資料室從12月29日到1月1日期間關閉
  展示更換期間／ 2月（從2月中旬開始，為期3日）
• 費用：成人（大學生以上） 200日圓、高中生 100日圓、中學生以下免費
• 交通方式：從JR廣島站乘搭廣島巴士24號（吉島）線 往「吉島營業所」方向或往「吉島醫院」方向，喺「和平紀念公園」落車即可抵達
• 官方網站：https://hpmmuseum.jp/?lang=eng