萬事得(Mazda)博物館係廣島嘅旅遊熱點之一。萬事得博物館展示咗汽車發展方面嘅技術進步。可以了解呢間日本跨國汽車製造商嘅發展、成就以及對未來嘅展望，為求喺同類產品中創造最佳嘅駕駛體驗。
關於廣島嘅萬事得博物館
萬事得博物館（Mazda Museum）係廣受歡迎嘅地方之一。講到廣島，通常會聯想到歷史事件，即1945年嘅原子彈爆炸以及世界和平運動。但萬事得博物館為人們帶來一場汽車工業之旅，呢度展示出Mazda汽車嘅歷史，當前以及未來嘅計劃同願景。一於跟住小編嚟睇睇Mazda嘅發展以及如何應對挑戰，以生產更好嘅汽車啦。
抵達Mazda總部後，乘搭巴士前往Mazda Ujina生產工廠嘅萬事得博物館。博物館展示分成7大區域：
入口大廳
抵達Mazda嘅Ujina生產工廠後，第一個迎接你嘅就係萬事得博物館寬敞嘅入口大廳。呢個區展示出最新嘅Mazda車輛。一年中，Mazda偶然都會喺呢個空間舉辦一啲特別嘅活動。
歷史展區
從入口大廳進入博物館後，你將會被帶到樓上，穿過南方對面嘅建築物，到達歷史展區。介紹Mazda自1920年成立以來嘅歷史。可以睇到Mazda嘅產品係如何變化同發展至今。唔好以為只係睇下車嘅相，現場展出咗實際嘅物品！
轉子引擎展區
下一區將展示Mazda有史以來最好嘅產品之一，Mazda嘅驕傲同榮耀－轉子引擎。轉子引擎係同普通活塞引擎有啲唔同嘅汽車發動機。
呢個小型發動機，提供嘅動力比相同容量嘅普通活塞發動機高出好多，當然同時以更高嘅油耗為代價。呢度仲可以搵到1991年贏得勒芒(Le Mans) 24小時耐力賽嘅唯一轉子引擎賽車。
技術展區
下一區係技術部分。近幾年來，Mazda使用佢哋嘅SkyActiv技術為全世界贏得名聲，呢項技術擁有好多優勢，如果只係使用傳統嘅開發方式則難以實現。Mazda已回歸基礎並重新設計汽車。喺呢度，你可以了解到SkyActiv嘅全面內容及其製造流程，並了解CX-5嘅構建方式。
U1生產線
接住落嚟會係參加博物館中最激動人心嘅部分，能夠通過機器人手臂見證車輛嘅裝配過程。此外，令人印象深刻嘅係，工作人員高效率地將汽車零件裝配同固定喺輸送帶嘅頂部。你唔會從側面睇住佢哋，而係從有安全裝置嘅高架走道上觀看。喺展望台，可以睇到Mazda嘅私人港口，貨船可以運出呢啲車輛。
未來展望
回到入口大廳之前嘅最後一個展區係有關Mazda未來計劃同願景。Mazda推出咗更環保嘅車輛，以及致力於減少二氧化碳排放量。呢度大部分嘅展品仍處於研究同開發階段，有啲仍然係未來嘅設計概念。
博物館紀念品區
返回入口大廳，大門嘅服務處隔離，可以睇到一啲紀念品。如果係Mazda車迷，可能會有幾樣想收藏嘅紀念品，好似係鑰匙扣、鋼筆、帽、襯衫、車模型等，以及獲得Mazda支持嘅運動隊伍，例如廣島東洋鯉魚棒球隊同廣島三箭足球隊嘅周邊商品都有。
參觀資訊
如果你係Mazda迷，呢度係一個必去嘅地方。如果你係車主，呢度係一個適合你嘅地方。如果你從事機械技術，咁呢度係一個值得你參觀嘅好地方。如果你對技術，汽車，Mazda都無興趣，呢度仍然係值得考慮一遊嘅地方。點解？因為參觀博物館費用免費，如果想節省旅遊預算嚟呢度就啱啦。只需線上或透過電話預約即可。
相關資訊
- 名稱: 萬事得博物館(萬事得Mazda汽車公司總部)
- 地址: (萬事得Mazda汽車公司總部) 廣島縣安芸郡府中町新地3-1
- 開館時間:考察團除咗星期六日同日本公眾假期外每日舉行，英語團於10:00開始，日語團於13:30開始，時間約90分鐘，費用全免，但必須電話或上網提前預約。
- 門票: 免費參觀 (需要預約)
- 交通方式: 從JR山陽本線向洋站步行3分鐘
Comments