嚟日本自由行一定要每日行到攰先抵？咁就唔一定嘅！參加當地出發嘅旅遊行程係你聰明玩轉日本嘅新選擇。乘坐哈多巴士（HATO BUS）可以輕鬆從東京市中心出發，前往近郊各大觀光景點，如果你喺冬季來訪，絕對唔可以錯過「足利花卉公園霓虹燈展＋佐野PREMIUM OUTLETS」呢個人氣經典行程，仲可選擇中文或英文導覽，超值嘅行程最適合鐘意悠閒路線嘅你！
冬季浪漫繽紛登場！暢遊足利花卉公園霓虹燈展、佐野PREMIUM OUTLETS就係而家啦
2018年10月28日起、至2019年1月31日止，每個禮拜二、五、日嘅下午1點40分喺濱松町巴士總站出發，朝早以喺東京都內自由觀光，或者喺酒店度過悠閒片刻，入住都內指定酒店，仲可以享受免費接送至巴士站嘅服務！（click入查詢提供接駁服務嘅酒店）回程預計晚間抵達丸之內，以古典優雅嘅東京車站夜景畫個完美嘅句號！
濱松町巴士總站鄰近JR同都營地下鐵站，交通非常便利。點咗名之後會收到哈多巴士專屬貼紙，記得貼喺身上以供識別！乘車處有好多飲品自動販賣器，非常便利！上咗車之後唔好急住恰眼訓，記得留意窗外景色，東京鐵塔、東京晴空塔、隅田川就喺你眼前！隨車仲會有專業嘅中文或英文導遊提供詳盡解說，喺搭車途中都可以享受旅遊樂趣。
佐野PREMIUM OUTLETS 雲集日本海內外國際品牌
行程第一站首先嚟到佐野PREMIUM OUTLETS，成座購物中心洋溢美國東海岸風情，隨處可見嘅噴水池、夜晚嘅燈飾帶俾你十足嘅度假感。佐野PREMIUM OUTLETS有好多貼心服務，喺資訊中心可以租借嬰兒車，並且隔離就設有育嬰室，喺美食廣場、星巴克cafe、Beams……等指定地點仲可以使用免費WIFI！
落車嗰陣隨車導遊會發俾每個人外國人專用嘅優惠券，喺資訊中心亦可以憑護照領取。需要注意嘅係，有標示「TAX FREE」嘅店家先至可以免稅，購物前務必先確認一下！有咗外國人專用優惠券，如果咁啱撞正折扣季或者係限時特賣，就可以用非常划算嘅價格買到你要嘅商品，而且從國際名品、潮流服飾、運動品牌、鞋包配件、生活雜貨、廚房用品、嬰幼兒用品、玩具……等應有盡有，約180間店舖任您盡情揀選，由於實在太好行，下列列出部分人氣品牌，建議先喺佐野PREMIUM OUTLETS官方網站查詢，一落車就飛奔到你鎖定嘅目標！
- 國際名品： GUCCI, PRADA, Vivienne Westwood, dunhill, MICHAEL KORS…
- 潮流服飾：BEAMS, EDWIN, Champion, Nano・Universe, URBAN RESEARCH, GAP, LOWRYS FARM, etc.
- 運動品牌：Under Armour, Adidas, Reebok, Nike, PUMA, etc.
- 鞋包配件： VANS, Timberland, Ray-Ban, SEIKO, UGG, Toms, etc.
- 生活雜貨：Francfranc, Sanrio, Plaza, etc.
- 廚房用品： Le Creuset, T-fal, Royal Copenhagen, etc.
- 嬰幼兒用品、玩具：Lego, Combi, Miki House, etc.
此外，佐野PREMIUM OUTLETS亦都係品嘗美食嘅好地方，美食廣場（FOOD COURT）有墨魚丸、拉麵、烏冬、定食、義大利麵……等，週末假日嗰陣大街上會有餐車、攤販，其中唔少得例如係來自夏威夷嘅漢堡名店「KUA`AINA」，據聞美國前總統奧巴馬每次返鄉嗰陣必食，甚至仲造成封街盛況㖭嘎！如果你想將更多時間用喺購物上，部分餐廳都有設置外賣自取，喺車上解決晚餐，咁嘅話就更有效率啦！
足利花卉公園霓虹燈展「光之花庭園」 日本必睇嘅三大霓虹燈展
從佐野PREMIUM OUTLETS到足利花卉公園車程僅需約30分鐘，抵達後你可以將戰利品放喺車上，唔洗提住大包小包搵儲物櫃，而呢點正係巴士旅行嘅便利之處！足利花卉公園以紫藤花聞名，每年4、5月成個園區被藤花點綴得非常浪漫，並且被CNN評選為世界十大夢幻景點。
冬季限定嘅霓虹燈展「光之花庭園」赫赫有名，同九州「豪斯登堡光之王國」、北海道「札幌白色樹燈節」並列為日本三大霓虹燈展，唔單止係咁，更加連續兩年榮獲日本國內第一名㖭啊！如果你咁啱剛好喺呢個時候嚟到關東，絕對唔可以錯過呢個冬季盛典！
★延伸閱讀：足利花卉公園霓虹燈展「光之花庭園」
如何預約以上行程？
想參加哈多巴士「足利花卉公園霓虹燈展＋佐野PREMIUM OUTLETS」行程，首先只要喺官網上面預約並填寫基本資料，線上碌卡並收到EMAIL就代表預約成功。當日只要到濱松町巴士總站內嘅哈多巴士櫃台，出示預約號碼或EMAIL畫面就得，真係太方便啦！
- 費用：大人8,000日圓、6～11歲小童7,000日圓
- 集合地點：濱松町巴士總站
- 地址：東京都港区浜松町2-4-1
- 備註：本行程5人以上成團
Comments