名古屋陶瓷主題公園・博物館：Noritake的森林

Noritake的森林（ノリタケの森）係為咗紀念日本瓷器製造商「則武」創立100周年而設立嘅企業文化設施。喺呢度可以欣賞陶瓷器展覽以及工作室，認識陶瓷藝術同歷史，或者純粹享受公園優美嘅景色。

關於Noritake的森林

日本瓷器製造商－則武株式會社(Noritake Company Limited, Inc.)，為咗紀念創業100週年，喺Noritake總部占地內（現代陶瓷嘅發源地）開設咗以陶瓷器為主題嘅綜合設施。並且以公司名稱為其命名，名叫「Noritake的森林」。

喺瓷器製造嘅工藝中心，可以親眼睇到Noritake嘅技術同傳統，從基礎材料(粘土)嘅生產到裝飾著色。仲有一個Noritake博物館，展示出餐具，包括Noritake產品「Old Noritake」同「畫帖(設計畫稿)」。

被稱為Gourmet Garden嘅系列陶瓷餐具係Noritake罕見嘅作品。大多數餐具都繪有美麗嘅蘭花同百合。該系列已經唔再生產，係陶瓷系列珍貴嘅收藏。呢個系列有手繪盤、沙律碗、飯碗、煲、烤盤、茶杯、碟等。

Noritake的森林內裡嘅花園景觀，隨著季節會有唔同嘅變化。崁入牆壁嘅陶瓷窯爐用嚟將粘土加熱成陶瓷。牆上掛著刻有Noritake Forest基金會贊助者姓名嘅盤。此外，仲有群落生境(生物小區)，創造出植物、昆蟲、魚類、鳥類同其他生物共同生活嘅自然環境，令人感到舒適又輕鬆。

※星期一休息 (如果係日本公眾假期則第二日作休息)、日本新年假期休息