「中川政七商店」於2018年8月29至31號喺東京王天洲島嘅寺田倉庫舉辦咗個「大日本市」博覧會,嚟自日本各地共46個工藝廠房都聚首一堂, 聚集工匠同工藝者以講究手藝製出嘅作品。今年到場人數約1700人, 比上年更熱鬧! 今次又介紹返啲你到日本可以作為手信, 既實用又有創意嘅雜貨小物俾你先。
世界上最輕! 又輕又易收納嘅旅行用品「TO＆FRO」／From TO＆FRO（石川）
世上最輕量嘅收納包。有四種尺寸, 8種顏色。拎上手, 好似感覺唔到重量咁, 輕到令人驚訝!
收納包個包裝盒都好細, 就咁將佢摺埋放喺盒入面。
又輕又不佔空間。放喺個專用袋入面仲可以拎去洗嘅旅行用拖鞋 售價3500円(未稅)
頸枕, 眼罩, 耳塞(連盒), 空氣塞, 收納袋仔為一set套裝, 售價5,500円(未稅)。頸枕係以人體工學設計而成嘅原創商品。
預定2018年秋季發售嘅叉電線收納包。售3500円(未稅)
以「輕量, 易於收納」為概念, 主力製作旅遊商品嘅「TO＆FRO」呢個品牌名就係正如字面所表示嘅英文「TO (去)」同「FROM(來自)」, 有一種輕鬆去旅遊嘅意思, 亦包含咗想用家有種「想同TO＆FRO一齊去旅行」嘅心思。
齊集頸枕眼罩套裝, 旅行用拖鞋, 雨褸等等旅行用商品, 而當中最受歡迎嘅係可以整齊地裝好底衫呀, 衣服呀, 洗臉用品等等嘅收納包。個袋係世界上最輕量嘅收納包, 仲有防水功能添。總共有4種尺寸 (L size 3000 円, M size 2500円, S size 2000円, XS size 1750円, 全部未稅)。而顏色方面有紅色, 綠色, 米色等總共8種, 咁多顏色花多眼亂, 最好都係去睇實物揀鍾意嘅色! 收納包摺埋喺個細盒仔包裝入面發售, 好易擺落行李喼, 都好適合作為手信咁帶返香港呀。
其他仲推介預定喺2018年秋天發售嘅叉電線收納包呀。可以好好整理叉電器, 叉電線, 電腦同電話用嘅各種電線, 都可以全部集中收納喺呢個袋入面。收納包質料係具備緩衝作用的網狀材質, 裏面又係絕緣體唔怕導電嘅質地, 可以安心使用。
其實石川縣喺明治時期開始係絹織物嘅生產地, 流傳至今都已經成為尼龍, 聚酯織物嘅盛產地,生產量仲係日本首位添。TO＆FRO嘅商品生產廠商「KAJIRENE公司(カジレーネ株式会社)」就係源自石川縣, 開發同製造纖維織物嘅廠房。而當中, 因為擁有開發又薄又輕嘅質料呢方面嘅技術, 都令佢得到全球戶外服裝品牌或者主要服裝製造商業界內嘅青睞。
■主要發售地方(截至2018年9月)
中川政七商店 東京本店
TO&FRO HANEDA
STANDBY TOKYO
――――――――――――――――――
■店名
中川政七商店 東京本店
■地址
〒100-0005 東京都千代田區丸之内2-7-2 KITTE 4F
■營業時間
星期一至六11:00～21:00
星期日及日本公眾假期11:00～20:00
■定休日
無休
■交通方法
JR東京駅 丸之内南口徒歩約1分鐘
――――――――――――――――――
■店名
TO&FRO HANEDA
■地址
〒144-8525 東京都大田區羽田空港3-4-2 東京Monorail羽田機場第2航廈站 B1F
■營業時間
8:00 ～ 20:00
■定休日
無休
■交通方法
東京Monorail濱松町站搭20分鐘、喺羽田機場第2航廈落車
――――――――――――――――――
■店名
STANDBY TOKYO
■地址
〒100-0005 東京都千代田區丸之内1-9-1 JR東京站站內1樓
■營業時間
星期一至六：7:00～22:00
星期日及日本公眾假期：7:00～21:30
■定休日
無休
■交通方法
東京站站內新幹線南口前
開蓋時會「Pon!」一聲真係好過癮!! 「POCHI-PON」／From大成紙器製作所（大阪）
「猪鹿蝶」
「草花」
喺日本當新年呀慶祝開學時都有類似送利是嘅習俗, 但日本人就唔係將錢放落我哋嘅紅色利是封, 而係放落叫做「Pochi袋」嘅紙製信封入面。而今次想介紹 POCHI-PON嘅「Ponchi袋」呢, 就唔係信封型, 而係「筒型」嘅。特別在於打開筒蓋時, 就會發出「Pon」一聲好似開香檳恭祝緊你咁。而呢輕輕嘅「Pon」聲其實係需要精密咁計算過筒同蓋之間點整先發出到呢個聲, 簡直係一個表現出工匠專業技術嘅作品嚟㗎。
仲有一點要留意嘅係當打開個蓋時, 都可以睇到筒入面有個好可愛嘅插圖。製作嘅人真係好有心思呀! 無論係收到嘅人, 定係送禮嘅人都得到驚喜呢。
畫上「猪鹿蝶」, 「草花」, 「松竹梅」等等, 無論邊種都好有日本風格嘅插畫, 價錢就係3個為一set, 售價1200円(未稅)。其實都可以用嚟放封信入去送俾朋友, 或者當係放耳環等小飾物都得啫! 可以有好多用途呀, 仲又靚又夠唒特別添呢!
大成紙器製作所營運嘅TAISEI株式會社嘅根據地係大阪。自1919年創業以來, 約100年都一直研究製作送禮紙盒同紙製信封, 仲有印刷同加工技術。除咗POCHI-PON, 仲有售賣紙製磁石或者放小物袋仔嘅商品。
■POCHI-PON發售地方（截至2018年9月）
東京, 大阪嘅中川政七商店所有店舖
■店名
中川政七商店 東京本店
■地址
〒100-0005 東京都千代田區丸之內2-7-2 KITTE 4F
■營業時間
星期一至六：11:00～21:00
星期日及日本公眾假期：11:00～20:00
■定休日
無休
■交通方法
JR東京站 丸之内南口徒歩約1分鐘
Comments