位於名古屋近郊足助町、海拔254米嘅飯盛山山區嘅香嵐溪，係日本中部嘅賞楓名勝。飯盛山係17世紀香積寺所在嘅地方，香積寺嘅住持喺寺廟種植咗一些楓樹，促使好多當地人亦喺同一地區種植楓樹。因此，現在遊客們可以享受人們昔日努力植栽嘅成果。
關於香嵐溪溪谷
香嵐溪廣場旁邊嘅「三州足助屋敷」村落，保留咗好多日本傳統嘅農家建築，並展示明治到昭和期間農家生活嘅樣貌。訪客可以參加傳統房屋裡舉辦嘅工作坊，嘗試製作一些傳統手工藝品，如竹籃、草鞋、藍染手帕或和紙明信片。夏季時，可以帶小朋友嚟呢度旅遊，喺清澈嘅河水中消消暑氣。 到冬季，使用新鮮河魚作為食材嘅餐廳，以及正宗日本蕎麥麵對於遊客而言係最大嘅吸引力。
秋天嘅香嵐溪
香嵐溪係一個可以讓您盡情享受秋天紅葉嘅地方，一共有超過4000棵正宗嘅日本楓樹。紅葉期間，步道同橋樑都有夜間照明，可以喺晚上漫步，觀賞夜楓。
香嵐溪年度紅葉祭於每年11月中旬至11月底左右，點燈時間到晚上9點。最靚嘅顏色通常係出現喺飯盛山西部同南部嘅巴川周圍。喺呢啲橋樑中，有一座朱紅色嘅待月橋，係香嵐溪嘅象徵，有最佳拍照點。
乘搭名鐵巴士前往香嵐溪
前往香嵐溪嘅最佳方式之一係乘搭名鐵巴士，由於地理位置偏遠，需花費一點時間。關於建議路線，首先乘搭名鐵名古屋本線往豊橋方向到達東岡崎站，於6號巴士站轉乘名鐵巴士往足助方向於香嵐溪落車，車程約70分鐘。喺秋季旅遊高峰期間人潮非常擁擠，一定要盡早到達。
景點資訊
- 名稱: 香嵐溪
- 地址: 愛知県豊田市足助町
- 交通: 名鐵三河線豐田市站落車，轉乘名鐵巴士矢並線(足助行)到香嵐溪(約45分鐘)
Comments