唔知買咩紀念品送俾屋企人或者係朋友？咁就去淺草啦！你一定會因為選擇太多而難以決定，因為有太多小飾品同得意嘅小玩具。除此之外，仲可以欣賞存在於現代東京中嘅日本傳統。
淺草紀念品
講到淺草寺嘅紀念品，腦中就會浮現出熙熙攘攘嘅仲見世通商店街 。作為日本最古老嘅商店街之一，從雷門一直延伸到淺草寺嘅寶藏門，街道兩旁都係小小嘅紀念品攤位，熙來攘往嘅人潮，熱鬧非凡。
喺呢度你可能會用咗成晚嘅時間，因為有好多商店值得你慢慢行！大多數販售類似嘅商品，因此需要花啲時間尋找自己鐘意嘅嘢。
人人鐘意嘅經典款紀念品
從鑰匙圈、磁石、富士山貼紙，到和風圖案手帕，手工錢包，一定可以搵到一啲適合送人嘅紀念品。
商品價位因店鋪而異，從150円嘅袖珍面紙套到5,000円以上嘅純手工製品都有。
一直以嚟都非常受歡迎嘅漢字T恤
圖片上嘅T恤印有侍魂2個漢字。喺淺草可以搵到好多咁嘅T恤，有忍者、日本、富士山等漢字嘅T恤款式。
淺草人形燒
人形燒係喺淺草到處都可以睇到嘅甜品。餡料基本上係紅豆，但最近可以睇到一啲卡士達醬或朱古力奶油口味。
雷米花糖係另一種淺草必食甜點
雷米花糖係混合糖漿同花生米嘅一種點心，有抹茶、芝麻等多種口味。位於雷門左側嘅「常盤堂雷Okoshi本舖」現場展示製作雷米花糖，成日都人潮擁擠。現做現賣，俾你享受熱騰騰新鮮出爐嘅雷米花糖。
淺草亦可以搵到清真食品
有時候可以喺仲見世通商店街嘅店鋪搵到清真食品。上圖為海苔米果。係一種小巧又圓形、簡單嘅鹹味、老少咸宜嘅點心。
店鋪資訊
- 名稱: 淺草仲見世通商店街
- 地址: 東京都台東區淺草1-36-3
- 交通方式: 東京Metro銀座線淺草站步行4分鐘
- 營業時間: 09:00 - 19:00 (依店家而異)
淺草獨特嘅日本紀念品
淺草仲有其他地方可以搵到獨特嘅日本紀念品。如果有興趣，可以參考下列地點：
淺草傳法院通商店街
呢條係一個氣氛輕鬆且寬敞嘅商店街，你可以搵到一啲優質商品，包括手工製作嘅日本扇、手繪皮革銀包、手工梳，甚至係受歡迎嘅江戶切子（玻璃雕花）等。
商品價位因店鋪而異，有啲商品質量較好，價格亦相對比較高。
營業時間：10:00 - 19:00（因店鋪而異）
店鋪資訊
- 名稱: 淺草傳法院通商店街
- 地址: 東京都台東區淺草2-3-5
- 交通方式: 東京Metro銀座線淺草站步行6分鐘
淺草ひさご（hisago）商店街
如果想尋找和服、木屐，或代表傳統日本嘅任何物品，都可以考慮嚟呢度。
營業時間：11:00 - 18:00（因店鋪而異）
店鋪資訊
- 名稱: 淺草ひさご（hisago）商店街
- 地址: 東京都台東區淺草2-14-13
- 交通方式: 東京Metro銀座線淺草站步行11分鐘
淺草EKIMISE
喺呢間購物中心嘅7樓，可以睇到各式各樣嘅商店，販售各種淺草風格嘅產品。
營業時間：10:00 - 20:00
店鋪資訊
- 名稱: 淺草EKIMISE
- 地址: 東京都台東區花川戶1-4-1, 7F
- 交通方式:
- 東武晴空塔線「淺草」站直達
- 東京Metro銀座線淺草站步行5分鐘
於淺草尋找平價手信
預算有限但都想買啲禮物送俾親友？唔洗擔心，因為「激安之殿堂 - 唐吉訶德」係一個好好嘅地方，可以喺銀包唔大出血嘅情況下，買到各式各樣嘅紀念品！
店內有成千上萬嘅商品，從化妝品到時尚配飾、從電子產品到季節性商品都有。
如果唔知買啲咩做手信，可以考慮Kit Kat，有各種口味，如抹茶、櫻花，甚至芥末同烤芝士蛋糕口味。
營業時間：全年24小時
店鋪資訊
- 名稱: 驚安殿堂唐吉訶德 淺草店
- 地址: 東京都台東區淺草2-10-14
- 交通方式:
- 東武晴空塔線淺草站1號出口 步行8分鐘
- 東京Metro銀座線淺草站1號出口 步行約9分鐘
淺草都有清真食品？！
如果有伊斯蘭信徒嘅朋友，唔使擔心，因為亦可以喺淺草搵到清真認證嘅小食。
以下係一啲建議：
評判堂嘅清真Okaki（仙貝）
Okaki（仙貝）係一種美味嘅傳統日本點心，將麻糬切成小塊狀，然後喺植物油中煎炸，使其變脆。「評判堂」嘅Okaki（仙貝）每包650円，有多種口味可供選擇 - 海苔、紅辣椒同芥末。
營業時間：09:30 - 20:00
店家資訊
- 名稱: 評判堂Hyoubandou
- 地址: 東京都台東區淺草1-18-1
- 交通方式: 淺草雷門正後方
淺草街頭美食「雷米花糖」
另一種傳統嘅甜味日本點心「雷米花糖」係用蒸熟嘅甜米飯製成，然後同花生等其他成分混合，再用糖以及澱粉糖漿形成長方形。
價格根據包裝嘅大小而有所不同，最大嘅一包售價為540円，口味有抹茶，海藻，白糖同黑糖等。
營業時間：09:00 - 08:30
店鋪資訊
- 名稱: 常盤堂雷Okoshi本舖
- 地址: 東京都台東區淺草１-3-2
- 交通方式: 東京Metro銀座線淺草站步行３分鐘
「Samurai Ramen UMAMI」拉麵
所有食材皆不含動物性成分、酒精、添加物等一切化學物質嘅餐廳。一碗拉麵800円，可以喺淺草唐吉訶德入面搵到。
淺草紀念品商店
淺草係一個精彩絕倫嘅觀光景點，美麗地呈現傳統嘅日本，但同時都有多種紀念品 - 昂貴或平價應有盡有！
用多啲時間探索一下仲見世通商店街，或者行下「激安之殿堂 - 唐吉訶德」，如果想買清真食品認證嘅日本米果點心，就可以「評判堂(Hyoubandou)」。
請記得準備足夠嘅現金，因為並非所有店家都接受信用卡付款。
Comments