東京係可以快樂購物嘅街道！連搵手信都係，有好多限期推出只有當下先至買得到嘅的限定商品或新商品，都會忍不住想買返嚟留俾自己食。喺觀光或移動嗰陣順便利用空檔購物，東京有好多買嘢嘅地方，所以唔洗擔心買唔到。保留江戶歷史面貌嘅手信，喺東京都可以成功購買。今次我哋要為大家介紹帶有東京風格嘅手信啦！
喺東京可以購買到嘅日本風手信
包含江戶切子在內，江戶木紋瓖嵌人偶、江戶貼畫毽子板、江戶甲冑等，從江戶時代或者係更之前就一直持續的傳統文化，至今流傳。
江戶切子
講到代表性嘅土產就唔可以唔提到「江戶切子」。切子指嘅係喺玻璃表面用磨刀石，切割出各式各樣嘅切法，亦即係切割玻璃。因為切子技法呈現閃閃發亮嘅精緻圖樣，網羅國內外遊客嘅心。據聞目前全體嘅江戶切子，有8成都係喺江東區與墨田區製作。
可以喺東京買到嘅食品零食手信
由於東京有好多訪日旅客，所以手信嘅選項都相當豐富。
包裝上畫有富士山、寺院神社或者係穿著和服嘅女性；或者係盒內嘅商品採個別包裝，樣式多采多姿。包含甜甜哋嘅零食、仙貝，抹茶口味嘅巧克力等各種手信應有盡有！
最近，仲有伊斯蘭教律合法食物與無麩質等的手信，只要好好咁搵就會有意想不到嘅發現。
東京鐵塔嘅手信
雪花水晶球內，有千分之一大小嘅東京鐵塔模型，亦喺訪日旅客中相當受歡迎。東京鐵塔嘅原子筆或鑰匙圈，呢啲都係必須專程前往東京鐵塔先至可以買得到嘅手信。零食方面，喺東京鐵塔可以買到牛奶糖、餅乾、美乃滋米果！仲有識得發光嘅劍球等新商品陸續推出咗。
景點資訊
- 景點名稱：東京鐵塔
- 地址：東京都港區芝公園4-2-8
- 交通方式：都營大江戶線「赤羽橋站」步行5分鐘
TOKYO SKYTREE®嘅手信
TOKYO SKYTREE®多種限定商品，買到就可以同朋友SHOW OFF一下！舉例嚟講，為人熟悉嘅東京香蕉推出TOKYO SKYTREE®版嘅朱古力香蕉味，凈係得呢度先至可以買得到。也可以買到SANRIO與史奴比等卡通角色與TOKYO SKYTREE®合作嘅聯名商品。喺日本最高嘅天望甲板以及5樓、1樓嘅TOKYO SKYTREE®禮品店，都有販售西式‧日式零食、文具雜貨等手信。
景點資訊
- 景點名稱：TOKYO SKYTREE®（東京晴空塔）
- 地址：東京都墨田區押上1-1-2
- 交通方式：
- 東京Metro半藏門線‧都營淺草線「押上站」步行3分鐘
- 東武晴空塔線「東京晴空塔站」步行1分鐘
買東京手信買到最後一刻啦！
到目前為止所介紹嘅東京手信嘅品牌同廠商都未能吸引到你嘅話，唔洗驚，羽田機場同成田機場都可以買得到手信。
羽田機場買手信
老字號羊羹店「虎屋(TORAYA)」或者係東京香蕉楓糖長崎蛋糕等，相當受外國遊客歡迎。福砂屋嘅蜂蜜蛋糕或者係用成隻蝦做成嘅桂新堂「蝦味仙貝」，定係抹茶朱古力餅乾，喺羽田機場都可以買得到。此外，唔單止有零食，UNIQLO以及唐吉訶德係羽田機場開設嘅店鋪「天空唐吉訶德」、BIC CAMERA等家電量販店，都千祈唔好錯過啦。
成田機場買伴手禮
用「YOSHIMI」嘅咖哩製成嘅「東京咖哩脆餅」、淺草菓子店舖與雷神聯名商品「東京雷神」、辻利兵衛總店嘅「京抹茶竹子年輪蛋糕」等，喺成田機場嘅手信店都有賣。另外，仲可以喺博品館TOY PARK、Hello Kitty Japan、COSPA AKIHABARA NRT SATELLITE STATION等買到好多日本獨有嘅卡通角色商品同日本製嘅高品質雜貨等，如果上飛機前時間充裕嘅話，請務必嚟睇一啲啦。
Comments